ពិតណាស់ថា អាហារដែលមានជាតិស្ករខ្ពស់ ច្រើនតែមានលក់នៅលើទីផ្សារ ថ្វីត្បិតតែវាមានរសជាតិឆ្ងាញ់ក្តី តែពួកវាក៏ងាយបង្កគ្រោះថ្នាក់ដល់រាងកាយដែរ ។ដូចដែលយើងបានដឹងជាយូរមកហើយថា ជាតិស្ករលើសវាជាប់ពាក់ព័ន្ធទៅនឹងបញ្ហាសុខភាព ពីស្រួចស្រាវទៅជារាំរ៉ៃ។
យោងតាមសមាគមបេះដូងអាមេរិក ស្ត្រីពេញវ័យមិនគួរទទួលទានជាតិស្ករលើសពី 25g ក្នុងមួយថ្ងៃ ដែលស្មើនឹងជាតិស្ករប្រហែល 6 ស្លាបព្រាបាយនិង 36g សម្រាប់បុរស ដែលស្មើនឹង 9 ស្លាបព្រា។ប៉ុន្តែបើរាងកាយរបស់អ្នកលេចចេញនូវសញ្ញាទាំងនេះ អ្នកគួរតែបញ្ឈប់ជាតិស្ករភ្លាម។
- អស់កម្លាំងជាញឹកញាប់
នៅពេលដែលអ្នកទទួលទានជាតិស្ករកាន់តែច្រើនពីមួយថ្ងៃទៅមួយថ្ងៃ កម្រិតជាតិស្ករនៅក្នុងឈាមរបស់អ្នកនឹងកើនឡើងខ្ពស់ បន្ទាប់ពីនោះអ្នកនឹងចាប់ផ្តើមអស់កម្លាំងភ្លាមៗ។ចំពោះអ្នកដែលកំពុងប្រឈមមុខនឹងជំងឺទឹកនោមផ្អែម ឬមិនផលិតអាំងស៊ុយលីនគ្រប់គ្រាន់សម្រាប់រាងកាយ ការផ្លាស់ប្តូរជាតិស្ករក្នុងឈាមជាពិសេសនៅពេលថ្ងៃគឺមានលក្ខណះធម្មតា ប៉ុន្តែបើនៅពេលដែលធ្លាក់ចុះដល់កម្រិតទាបអាចបណ្តាលឱ្យមានផលវិបាកធ្ងន់ធ្ងរ។
- ឡើងទម្ងន់
របបអាហារមានតុល្យភាព និងផ្តល់អត្ថប្រយោជន៍ល្អចំពោះសុខភាព ជាពិសេសសម្រាប់ការរក្សាទម្ងន់ឲ្យមានស្ថិរភាព។ ដូច្នេះហើយ នៅពេលទទួលទានអាហារដែលមានជាតិស្ករច្រើន មនុស្សជាច្រើនមានការលំបាកក្នុងការគ្រប់គ្រងទម្ងន់របស់ពួកគេ។
មូលហេតុនៃស្ថានភាពនេះគឺមិនត្រឹមតែជាតិស្ករលើសដែលត្រូវបានបំប្លែងទៅជាជាតិខ្លាញ់ប៉ុណ្ណោះទេ ថែមទាំងបង្កើតការឃ្លាន ធ្វើឱ្យអ្នកចង់ស្រូបកាឡូរីច្រើនជាងការចាំបាច់ប្រចាំថ្ងៃ។
- បញ្ហាស្បែក
ការទទួលទានជាតិស្ករច្រើនពេក មិនត្រឹមតែប៉ះពាល់ដល់ផ្នែកខាងក្នុងនៃរាងកាយប៉ុណ្ណោះទេ ថែមទាំងប៉ះពាល់ដល់ពណ៍សម្បុរស្បែកផងដែរ។យោងតាមទស្សនាវដ្តី Healthy Women ទម្លាប់នៃការទទួលទានផ្អែមអាចបង្កើនភាពធ្ងន់ធ្ងរ ដូចជាញឹកញាប់នៃការកើតមុន និងស្នាមជ្រីវជ្រួញ ស្បែកទ្រុឌទ្រោម។ដូច្នេះហើយ ស្ត្រីគួរតែគ្រប់គ្រងបរិមាណស្ករដែលប្រើប្រាស់ក្នុងរបបអាហារប្រសិនបើអ្នកចង់បានស្បែកសរលោង និងក្មេងជាងវ័យ។
- គេងមិនលក់
ការគេងមិនបានលង់លក់ ប៉ះពាល់ដល់ផ្លូវចិត្ត និង ផ្លូវអារម្មណ៍ ។ពិតណាស់ ការលំបាកក្នុងការគេងនៅពេលយប់អ្នកត្រូវបានគេរកឃើញថា អាចបណ្តាលមកពីទម្លាប់ក្នុងការទទួលទានអាហារផ្អែម។ការញ៉ាំបង្អែមក្រោយអាហារពេលល្ងាចគឺជាជម្រើសដ៏ពេញនិយម ប៉ុន្តែមិនល្អសម្រាប់សុខភាពឡើយ។ ប្រសិនបើអ្នករកឃើញថាការកាត់បន្ថយការទទួលទានជាតិស្ករមានប្រសិទ្ធភាព និងជួយឱ្យអ្នកគេងលក់ស្រួល អ្នកគួរតែបំបាត់ជាតិស្ករជាអចិន្ត្រៃយ៍ ឬញ៉ាំតែក្នុងឱកាសពិសេសប៉ុណ្ណោះបានហើយ។
- បញ្ហាពោះវៀន
ជាតិស្ករលើសអាចបំផ្លាញប្រព័ន្ធរំលាយអាហាររបស់អ្នក ដូចជាការឈឺទ្រូង បន្ទោរបង់មិនទៀងទាត់ រាគ រហូតដល់ឈឺក្រពះ និងហើមពោះ នឹងឆាប់ខឹង។
- ពុកធ្មេញ
ការទទួលទានជាតិផ្អែមច្រើន បណ្តុំដោយពពួកបាក់តេរី ទុំជាប់ទៅលើអញ្ជាញធ្មេញ ងាយបង្កអោយរលាក និង ពុកធ្មេញជាបន្តបន្ទាប់។
- ជំងឺធ្លាក់ទឹកចិត្ត
ការទទួលទានជាតិស្ករច្រើនពេកអាចប៉ះពាល់ដល់ខួរក្បាល ដែលនាំឱ្យកើតជំងឺធ្លាក់ទឹកចិត្ត។ អ័ព្ទនៃខួរក្បាលក៏ជាហេតុផលដែលមនុស្សត្រូវបំបាត់ទម្លាប់នៃការញ៉ាំផ្អែមផងដែរ។ ពួកគេធ្វើឱ្យខួរក្បាលរបស់អ្នកលែងមានភាពរសើប មានប្រសិទ្ធភាព ឬរហ័សរហួនដូចពីមុនទៀតហើយ៕
