ខេត្តសៀមរាប៖ បន្ទាប់ពីលេចចេញករណីនាយនគរបាលម្នាក់ បានប្រើហិង្សាដ៏ឃោរឃៅបំផុតមកលើក្មេង ក្នុងវ័យដែលមិនទាន់ដឹងក្តី រហូតឈានដល់អភិបាលនៃគណៈអភិបាលខេត្តសៀមរាប ក៏បានចាត់វិធានការ ផ្ដល់យុត្តិធម៌ឲ្យកុមារីរងគ្រោះ រហូតដល់ចេញបទបញ្ជាឱ្យសមត្ថកិច្ចចាត់វិធានការ រកជនប្រព្រឹត្តនេះមកទទួលខុសត្រូវតាមផ្លូវច្បាប់។
ឯកឧត្តម ទៀ សីហា អភិបាលខេត្តសៀមរាប បានចេញបទបញ្ជាភ្លាមៗទៅលោកស្នងការនគរបាលខេត្តសៀមរាប ឲ្យចាប់ខ្លួនលោក រិទ្ធ វីរៈ ជាមន្ត្រីប៉ូលិស បានប្រព្រឹត្តអំពើហិង្សា ទារុណកម្ម លើកុមារីអាយុ១ខួប យ៉ាងព្រៃផ្សៃ ដែលមានលក្ខណៈទះផងខាំផងរបៀបរោគចិត្ត ដោយមើលទៅពិតជាគួរឲ្យអណោចអធម៌ក្មេងខ្លាំងណាស់។
សូមជម្រាបជូនថា ឥឡូវនេះមានអង្គការ សមាគម គាំទ្រមាតានិងទារក បានចេញមុខគាំពារតាមផ្លូវច្បាប់ផងដែរ និងជួយទំនុកបំរុងតាមផ្លូវច្បាប់ ដើម្បីប្តឹងជនដៃដល់ទៅកាន់តុលាការ ដើម្បីផន្ទាទោសតាមផ្លូវច្បាប់ ៕
