ការភ័យខ្លាច វាអាចកើតឡើងចំពោះមនុស្សគ្រប់វ័យ ដែលបង្កឡើងពីផ្លូវអារម្មណ៍របស់់មនុស្សចំពោះហេតុការណ៍ ឬរឿងអ្វីមួយ ។ ដោយជំងឺនេះអាចកើតមានពីរោគសញ្ញាស្រាល ដែលយើងអាចគ្រប់គ្រងបាន ជាមួយនឹងរោគសញ្ញាធ្ងន់ធ្ងរ ដែលមិនអាចគ្រប់គ្រងបាន រហូតវាវិតតន៍កាន់តែធ្ងន់ធ្ងរក្លាយជាវិកលចរិតជាដើម ។ ប៉ុន្តែក្នុងស្ថានភាពខ្លះកាភ័យស្លន់ស្លោក៏អាចកើតមានផងដែរ ដូចជាការសម្ភាសន៍ការងារ ការសម្ភាសន៍ការសិក្សាបន្ថែម ថ្លែងការណ៍ បង្ហាញការងារនៅចំពោះមុខអ្នកគ្រប់គ្រង ឬអតិថិជន រួមទាំងការនិយាយ ឬការសម្តែងនៅចំពោះមុខមនុស្សជាច្រើន ក៏អាចធ្វើឱ្យអ្នករំភើប ញ័រដៃញ័រជើង បែកញើស វិលមុខ ឬមិនអាចគ្រប់គ្រងខ្លួនឯងបានពេញលេញជាដើម។
មន្ទីរពេទ្យ Manarom បានធ្វើការណែនាំលំហាត់ដកដង្ហើមក្នុងការអនុវត្តការគ្រប់គ្រងដង្ហើម នឹងដើម្បីជួយកែលម្អការវាយប្រហារភាពភ័យស្លន់ស្លោ ដែលត្រូវចំណាយពេលពី 10-15 នាទីរៀងរាល់ថ្ងៃដូចខាងក្រោមៈ
– ដេកផ្ងារឲ្យត្រង់ខ្លួននៅលើគ្រែ ឬនៅកន្លែងស្ងប់ស្ងាត់ បិទភ្នែករបស់អ្នក ហើយសម្រាក
– ដៃទាំងពីរដាក់លើពោះមិនតានតឹង បន្ធូរសាច់ដុំទ្រូង និងស្មា សូមឱ្យគ្រប់ផ្នែកនៃរាងកាយមានអារម្មណ៍ធូរស្រាល
– ដកដង្ហើមយឺតៗ ដើម្បីឲ្យចលនាដង្ហើមតាមរន្ធច្រមុះរហូតដល់ពោះពង្រីក អ្នកអាចមានអារម្មណ៍ថា ដៃទាំងពីរត្រូវបានលើកយឺតៗ
– បន្ទាប់ពីដកដង្ហើមពេញមួយភ្លែត អ្នកក៏ត្រូវដកដង្ហើមរបស់អ្នកចេញមួយភ្លែតវិញ
– ដកដង្ហើមវែងៗ ដើម្បីឲ្យមានអារម្មណ៍ថាចលនានៃការដកដង្ហើមចេញតាមរន្ធច្រមុះរហូតដល់ពោះរាបស្មើ ដៃទាំងពីរទម្លាក់ចុះ
– ពេលអ្នកចេះស្ទាត់ហើយ អ្នកអាចធ្វើវិធីនេះដោយអង្គុយផ្អៀងលើកៅអី ដៃទាំងពីរបានតោងជាប់នឹងជើង ឬពោះ បន្ទាប់មកធ្វើតាមជំហានដូចជាអ្នកកំពុងដេកផ្ងារលើគ្រែរបស់អ្នកយ៉ាងដូច្នេះដែរ។
អ្នកអាចអនុវត្តការដកដង្ហើមបែបនេះជារៀងរាល់ថ្ងៃ ដើម្បីអនុវត្តការគ្រប់គ្រងដង្ហើម ហើយនឹងធ្វើឱ្យរោគសញ្ញាភ័យស្លន់ស្លោកាន់តែប្រសើរឡើង៕
អត្ថបទដោយ៖ សុផានីត
