ផ្លែឈើ និងបន្លែមានផ្ទុកនូវសារធាតុចិញ្ចឹមសំខាន់ៗមួយចំនួនសម្រាប់សុខភាពរបស់យើង ។ទោះជាយ៉ាងណាក៏ដោយ ការស្រាវជ្រាវពីសាកលវិទ្យាល័យ Johns Hopkins បានបង្ហាញថា មនុស្សពេញវ័យត្រឹមតែ 11% ប៉ុណ្ណោះដែលទទួលទានបន្លែផ្លែឈើមួយថ្ងៃបីដងជាប្រចាំ។ ដូច្នេះតើមានអ្វីកើតឡើងប្រសិនបើអ្នកមិនបានបរិភោគបន្លែ អោយបានគ្រប់គ្រាន់?
- ហានិភ័យនៃជំងឺបេះដូង : កង្វះអាហារសរសៃពីបន្លែ ងាយបណ្តាលអោយកើតជំងឺបេះដូង វាមិនខុសពីការបិទផ្លូវមិនអនុញ្ញាតអោយសរសៃរឈាមរត់ទៅចិញ្ចឹមដល់បេះដូង ។
- បាត់បង់ការចងចាំ: មនុស្សគ្រប់គ្នាអាចនឹងភ្លេចរឿងតូចតាចខ្លះ តែវាក៏ជាសញ្ញាមួយបង្ហាញថា រាងកាយរបស់អ្នកមិនបានទទួលសារធាតចិញ្ចឹមគ្រប់គ្រាន់ ។ដូច្នេះអ្នកគួរតែបន្ថែមពពួកបន្លែដូចជា ការ៉ុត ស្លឹកបៃតង ពោតនិងប៉េងប៉ោះជាដើម ។
- ឡើងទម្ងន់ : អ្នកដែលមិនចូលចិត្តញុំាបន្លែ ប្រាកដជាបង្ខំចិត្តបំពេញជាមួយអាហារផ្សេងទៀត ដូចជា សាច់ និងត្រី ទាំងអស់នេះជាអាហារដែលសំបូរទៅដោយកាឡូរីខ្ពស់ ដែលងាយនឹងឡើងទម្ងន់យ៉ាងខ្លាំង។
- ស្បែកស្រអាប់ : មនុស្សដែលទម្លាប់ញុំាសាច់ច្រើនបន្លែភាគច្រើនកំរនឹងបន្ទោរបង់ណាស់ ដែលធ្វើអោយរាងកាយកកកុញដោយជាតិពុល ដែលជាមូលហេតុស្បែកខ្មៅស្រអាប់ និងមុនច្រើន។
- សម្រួលពោះវៀន : កាកសំនល់ក្នុងក្រពះពោះវៀនត្រូវតែបញ្ចេញចោលជារៀងរាល់ថ្ងៃ ។ការញុំាបន្លែជួយបន្ទន់លាមកកាត់បន្ថយសម្ពាធលើពោះវៀនធំផ្នែកខាងក្រោម បន្ថយហានិភ័យនៃជំងឺរលាកពោះវៀន និងជំងឺឬសដូងបាត៕