ខេត្តឧត្តរមានជ័យ ៖ សត្វប្រើស១ក្បាល មិនត្រឹមតែជាប់អន្ទាក់របស់ព្រានពៃទេ ហើយឆ្កែខាំទៀត តែយ៉ាងណា ត្រូវមន្ត្រីឧទ្យានុរក្សប្រចាំស្នាក់ការភ្នំអណ្ដូង សហការជាមួយស្នាក់ការភ្នំរូងដែក បានជួយសង្រ្គោះទាន់ពេលវេលា។
ត្រូវមន្ត្រីឧទ្យានុរក្ស បានឲ្យដឹងថា ក្រុមមន្ត្រីបានចុះទៅដល់ចំណុចទីតាំងជាក់ស្តែងបានឃើញសត្វប្រើសញីមួយក្បាល ជាប់អន្ទាក់បាក់ជើងមុខផ្នែកខាងស្តាំ មានស្នាមឆ្កែខាំភ្លៅខាងក្រោយ នៅចំណុចខាងជើងកោះខ្លុង។ មន្ត្រីឧទ្យានុរក្ស និងសមាជិកសហគមន៍ បានយកសត្វប្រើសនោះ ទៅព្យាបាលរបួសជើងនៅស្នាក់ការកណ្ដាលរបស់សហមគន៍សង្ឃរុក្ខាវ័ន ស្ថិតនៅដែនជម្រកសត្វព្រៃសង្ឃរុក្ខាវ័ន៕
