នៅក្នុងប្រទេសមួយចំនួនច្បាស់ណាស់ប្រាកដជាមានទីក្រុងសម្រាប់ប្រទេសនិមួយៗរាងៗខ្លួន ហើយទីក្រុងនៅក្នុងប្រទេសទាំងអស់នោះ មានទីក្រុងមួយចំនួន ១០ ដែលមិនគួរឱ្យចង់រស់នៅបំផុតក្នុងពិភពលោក ទាក់ទងនិងសន្តិសុខជាតិ សុខុមាលភាពរបស់ប្រជាជន ប្រព័ន្ធថែទាំសុខភាព បរិស្ថានការអប់រំ និងហេដ្ឋារចនាសម្ព័ន្ធ។
សូមមកមើលពីទីក្រុងដែលជ្រើសជាទីក្រុងមិនគួរឱ្យចង់រស់នៅ ព្រមទាំងជាប់លំដាប់ពិភពលោកថែមទៀតផង។
១. នៅ Douala ប្រទេសកាមេរូន
ទីក្រុងនេះទទួលបានពិន្ទុសរុប ៤៤/១០០ ដោយសារប្រទេសនេះស្ថិតក្នុងវិបត្តិជាមួយនឹងភាពតានតឹងរវាងតំបន់ដែលនិយាយភាសាអង់គ្លេស និងភាសាបារាំង រួមទាំងពិន្ទុថែទាំសុខភាពសាធារណៈមានកម្រិតទាបរហូតដល់ ២៥ ពិន្ទុ។
២. ទីក្រុង Karachi ប្រទេសប៉ាគីស្ថាន
ការ៉ាជីមានពិន្ទុសរុប ៤០.៩/១០០ ដែលជាពិន្ទុទាបបំផុតលើសុវត្ថិភាព ២០ ប៉ុន្តែម្យ៉ាងវិញទៀតវាមានពិន្ទុ៧៧.៧ សម្រាប់ប្រព័ន្ធអប់រំ និងពិន្ទុលើហេដ្ឋារចនាសម្ព័ន្ធ ៥១.៨ ភាគរយ ។
៣. Algiers ប្រទេសអាល់ហ្សេរី
វាមានពិន្ទុសរុប៤០.៩/១០០ ជាមួយនឹងពិន្ទុទាបបំផុតនៅក្នុង Infrastructure នៅ ៣០.៤ ប៉ុន្តែមានប្រព័ន្ធអប់រំល្អដែលមានពិន្ទុ ៥០ ក្នុងចំណោម ១០០ នេះ។
៤. នៅ Lagos ប្រទេសនីហ្សេរីយ៉ា
ទីក្រុង Lagos មានពិន្ទុសរុប ៣៦/១០០ វានៅតែត្រូវបានគំរាមកំហែងដោយក្រុមដូចជា Boko Haram ដែលបណ្តាលឱ្យមានការខ្វះខាតសន្តិសុខនៅក្នុងទីក្រុង ដែលធ្វើឱ្យវាមានចំណាត់ថ្នាក់សុវត្ថិភាពត្រឹមតែ ១០ ក្នុងចំណោម ១០០ភាគរយប៉ុណ្ណោះ។
៥. នៅ Damascus ប្រទេសស៊ីរី
ទីក្រុងនេះទទួលបានពិន្ទុសរុបត្រឹមតែ៣០.២/១០០ ដោយសារតែគុណភាពជីវិតទាបបំផុត១៦.១ ទីក្រុង Damascus ត្រូវបានជាប់ចំណាត់ថ្នាក់ទាបបំផុតក្នុងការស្ទង់មតិលើទីក្រុងចំនួន ១៤០ នៅទូទាំងពិភពលោក។
យ៉ាងណាមិញប្រទេសទាំងមូលប្រៀបបាននឹងកាក់មួយដែលមានទាំងខាងល្អ និងខាង អាក្រក់ ពីពិន្ទុដែលបានបង្ហាញ វាមិនតែងតែអាក្រក់ទាំងអស់នោះទេ ៕
