មិនមានអ្វីអាក្រក់ជាងការដោះស្រាយការឈឺបំពង់ក អមជាមួយនឹងជំងឺផ្តាសាយ ឬក្អកនោះទេ។ការរមាស់បំពង់កអាចមានមូលហេតុផ្សេងៗគ្នា ខណះសូម្បីតែរោគសញ្ញានៃមេរោគ COVID-19 ក៏មានការរមាស់បំពង់កដែរ ។ខាងក្រោមនេះជាគ្រឿងផ្សំទូទៅមួយចំនួននៅក្នុងផ្ទះបាយ ដែលអាចបំបាត់ការឈឺបំពង់កតាមវិធីធម្មជាតិ។
*អំបិល
ការខ្ពុរមាត់ជាមួយនឹងទឹកអំបិលជួយកាត់បន្ថយការរមាស់បំពង់កភ្លាមៗ។ យកទឹកអំបិលមួយក្តាប់លាយទឹកក្តៅមួយកែវ ហើយលាងមាត់ប្រហែល ១០ វិនាទី អ្នកអាចលាងជម្រះមាត់របស់អ្នកជាមួយនឹងទឹកអំបិល 2-3 ដងក្នុងមួយថ្ងៃដោយសុវត្ថិភាព។
*ម្រេចខ្មៅនិងទឹកឃ្មុំ
ការរួមផ្សំនៃម្រេចខ្មៅ និងទឹកឃ្មុំ គឺជាឱសថបុរាណដែលមានតាំងពីបុរាណមក ប្រើដើម្បីព្យាបាលការរមាស់បំពង់ក ផ្តាសាយ និងសូម្បីតែក្អក។ ទឹកឃ្មុំជាថ្នាំបំបាត់ការក្អកធម្មជាតិ ហើយអាចជួយអ្នកកាត់បន្ថយការរមាស់បំពង់កបានភ្លាមៗផងដែរ។
*ខ្ញី
ខ្ញីមានផ្ទុកសារធាតុ gingerol ដែលមានលក្ខណៈសម្បត្តិព្យាបាលជំងឺក្អក យូរយារមកហើយ។សូមយក ខ្ញីបុកឬចិតជាចំណិត រួចដាក់ក្នុងខ្ទះ ចាក់ទឹក 1 កែវហើយដាំឱ្យពុះប្រហែល ៥ នាទី។ ជាចុងក្រោយ អ្នកគ្រាន់តែច្រោះទឹកខ្ញី ទុកទទួលទានជាកាស្រេច។
*រម្រៀតនិងទឹកដោះគោ
រម្រៀតមានលក្ខណៈសម្បត្តិប្រឆាំងនឹងការរលាក ប្រឆាំងនឹងបាក់តេរី និងសារធាតុប្រឆាំងអុកស៊ីតកម្ម។ ចាក់ទឹកដោះគោ 1 ពែងចូលក្នុងខ្ទះ បន្ថែមម្សៅរមៀត 1/4 ស្លាបព្រាកាហ្វេ ហើយយកទៅដាំអោយពុះ ទុកភ្លើងឱ្យតិចៗប្រហែល 5 នាទី។ ផឹកខណៈពេលដែលវានៅក្តៅៗឧណ្ឌៗ។ អ្នកក៏អាចបន្ថែមម្សៅស្ករក្រាមបន្តិចដើម្បីឱ្យមានរសជាតិផ្អែម៕