The National Sleep Foundation of America បាននិយាយថា ការគេង គឺអាចមានការពាក់ព័ន្ធនឹងការសម្រកទម្ងន់បានយ៉ាងច្រើនជាងអ្វីដែលអ្នកគិតទៅទៀត ។ ជាមួយគ្នានេះរបៀបនៃការរស់នៅរបស់អ្នកដែលរស់នៅទីក្រុងក៏អាចមានរំខានដល់ដំណើរការនៃនាឡិកាជីវិត និងជំរុញរាងកាយឱ្យប្រមូលផ្តុំជាតិខ្លាញ់កាន់តែច្រើនផងដែរ។
ជាងនេះទៅទៀត លោកបណ្ឌិត Michael Spertus ក៏បានបញ្ជាក់ផងដែរថា អត្ថបទនៅលើគេហទំព័រ thehealthy.com ដែលបង្ហាញពីដំណើរការនៃរាងកាយ ជួយយើងបញ្ចុះទម្ងន់សូម្បីតែពេលគេង ដោយការអនុវត្តន៍តាមជំហានទាំង៦ នេះ ។1. គុណភាពនៃការគេង
ការស្រាវជ្រាវដែលត្រូវបានចេញផ្សាយនៅសភាអ៊ឺរ៉ុបនៃផ្នែក endocrinology ក្នុងឆ្នាំ 2017 បានបង្ហាញថា ការគេងមិនលក់អាចធ្វើឱ្យរាងកាយថយចុះការផលិតអរម៉ូន “ស្កប់ស្កល់” ដូចជា GLP-1 ក៏ដូចជាអ័រម៉ូន ghrelin នៃភាពអត់ឃ្លានចេញមកកាន់តែច្រើនផងដែរ។ ដែលមានន័យថាប្រសិនបើអ្នកមានអារម្មណ៍អស់កម្លាំង នោះអ្នកនឹងមានអារម្មណ៍ថាឃ្លាន ដែលបណ្តាលឱ្យញ៉ាំច្រើនជាងធម្មតា ដូច្នេះ ទើបបានជាការគេងឱ្យបានគ្រប់គ្រាន់គឺមានសារៈសំខាន់ខ្លាំងណាស់ ដល់អ្នកដែលកំពុងសម្រកទម្ងន់ ។
2. គេងក្នុងបន្ទប់ត្រជាក់
ការគេងនៅក្នុងបន្ទប់ដែលមានបរិយាកាសត្រជាក់ អាចជួយឱ្យរាងកាយរបស់អ្នកដុតថាមពលបានកាន់តែច្រើន ដែលវាជាហេតុអាចជួយសម្រកទម្ងន់បានផងដែរ។ ដោយយោងតាមការសិក្សាដែលចុះផ្សាយក្នុងទស្សនាវដ្តី Diabetes បានបង្ហាញថាមនុស្សដែលគេងក្នុងបន្ទប់ដែលមានសីតុណ្ហភាពក្រោម 18-19°C ប្រហែលមួយខែ និងជួយបង្កើនអត្រាមេតាបូលីសរបស់ពួកគេ 42 ភាគរយ ព្រមទាំងដុតបំផ្លាញជាតិខ្លាញ់ច្រើនជាង 10 ភាគរយ និងកាត់បន្ថយហានិភ័យដែលអាចការវិវត្តន៍ទៅរកជំងឺទឹកនោមផ្អែម ផងដែរ។3. កុំបរិភោគអាហារពេលល្ងាចច្រើនពេក (មុនពេលអាហារចូលគេង)
មិនត្រឹមតែអាហារពេលល្ងាចប៉ុណ្ណោះទេ ដែលជាអាហារដែលមានឱកាសតិចបំផុតក្នុងការដុតបំផ្លាញកាឡូរីដែលយើងទទួលបានពីការញ៉ាំ តែវាក៏បណ្ដាលឲ្យរាងកាយរបស់អ្នកនឹងព្យាយាមដុតបំផ្លាញថាមពលដែលលើសជាជាងបញ្ចេញជាតិពុល ឬបង្កើនថាមពលរបស់អ្នកផងដែរ ។ ហើយវារឹតតែអាក្រក់ទៅទៀត ប្រសិនបើអាហារដែលអ្នកញ៉ាំច្រើនពេកមានជាតិកាបូអ៊ីដ្រាត ព្រោះប្រសិនបើរាងកាយទទួលបានថាមពលពីកាបូអ៊ីដ្រាតច្រើនពេក ហើយមិនបានប្រើប្រាស់វាទេ វានឹងកកកុញនៅក្នុងខ្លួន ដែលជាមូលហេតុធ្វើឱ្យធាត់ ព្រមទាំងរំខានដល់ពេលវេលានៃការគេងផងដែរ។
4. កុំប្រើប្រាស់ឧបករណ៍អេឡិចត្រូនិកមុនពេលចូលគេង
មុនពេលអ្នកចូលគេង អ្នកមិនគួរប្រើប្រាស់ ស្មាតហ្វូន ថេប្លេត កុំព្យូទ័រ រួមទាំងទូរទស្សន៍ នោះទេ ព្រោះដោយសារតែពន្លឺពណ៌ខៀវដែលចេញពីឧបករណ៍អេឡិចត្រូនិកទាំងនេះ អាចធ្វើឱ្យរាងកាយរបស់អ្នកផលិតអរម៉ូនមេឡាតូនីនយឺត ដែលជាហេតុធ្វើឲ្យអ្នកគេងមិនលក់ និងមានអារម្មណ៍ឃ្លានអាហារ ព្រមទាំងបង្កើនភាពធន់នឹងអាំងស៊ុយលីន ដែលជាមូលហេតុនៃការឡើងទម្ងន់ និងការកើនឡើងហានិភ័យនៃជំងឺទឹកនោមផ្អែមផងដែរ ។ 5. គេងនៅក្នុងបន្ទប់ងងឹតទាំងស្រុង
ការគេងនៅក្នុងបន្ទប់ភ្លឺ វាអាចជះឥទ្ធិពលរំខានដល់ការផលិតមេឡាតូនីនរបស់រាងកាយ ព្រមទាំងផលិតនូវអ័រម៉ូន Melatonin តិចជាងមុន និងធ្វើឲ្យមានការឡើងទម្ងន់ផងដែរ។
6. ធ្វើលំហាត់ប្រាណ ឱ្យបានទៀងទាត់
លំហាត់ប្រាណទៀងទាត់នឹងជួយឱ្យយើងគេងលក់ស្រួល ហើយនៅពេលដែលយើងគេងបានគ្រប់គ្រាន់ យើងកាន់តែ មានសុខភាពល្អ ព្រមទាំងដុតបំផ្លាញថាមពលបានកាន់តែច្រើនផងដែរនេះបើយោងតាម National Sleep Foundation៕
អត្ថបទដោយ៖ សុផានីត