ថៃ ប្រកាសបិទរូងភ្នំដ៏ល្បីមួយជាបន្ទាន់ ក្រោយមានភ្ញៀវទេសចរចំនួន៧នាក់ ជួបរឿងបែបនេះ

ថៃ៖​ រូងភ្នំ Nakee ក្នុងឧទ្យានជាតិ Phu Langka នៃខេត្ត Nakhon Phanom ប្រទេសថៃ ត្រូវបានអាជ្ញាធរសម្រេចបិទរយៈពេល៧ថ្ងៃ ដោយគិតចាប់ពីថ្ងៃទី១១ ខែកុម្ភៈ ឆ្នាំ២០២២ រហូតដល់ថ្ងៃទី១៧ ខែកុម្ភៈ បន្ទាប់ពីមានមគ្គុទ្ទេសក៍ និងអ្នកទេសចរចំនួន៧នាក់ ដែលបានធ្វើដំណើរទៅទស្សនាកម្សាន្ដបានធ្វើតេស្តរកឃើញឆ្លងកូវីដ-១៩។ នេះបើយោងតាមការចុះផ្សាយរបស់សារព័ត៌មាន BangkokPost ។

មន្ត្រីឧទ្យានជាតិបាននិយាយថា ក្នុង​ករណី​ដែល​ភ្ញៀវ​ទេសចរ​បាន​កក់​សំបុត្រ​យន្តហោះ​រួច​ហើយ ឬ​បាន​មក​ដល់​កន្លែង​នោះ គេ​អាច​បង្ហាញ​ឯកសារ​ទាំង​នោះ​ដល់​មន្ត្រី​ឧទ្យាន​ដើម្បី​សុំ​ការ​អនុញ្ញាត​ចូល​ក្នុង​តំបន់​ទេសចរណ៍ដោយអាជ្ញាធរ នឹងពិចារណាលើសំណើរបស់ពួកគេតាមករណីនីមួយៗ ប៉ុន្តែអ្នកទេសចរទាំងអស់នឹងត្រូវតម្រូវឱ្យធ្វើតេស្តរហ័សនៅកន្លែងចុះឈ្មោះរបស់ឧទ្យាន ៕