ភ្នំពេញ៖ ប្រិយមិត្តប្រាកដជាបានជ្រាបច្បាស់ហើយពីករណីលោក ឌួង ងៀប ត្រូវបានបុរសជនជាតិតៃវ៉ាន់ម្នាក់ បានចោទប្រកាន់រូបលោកឆបោកប្រាក់របស់គេអស់ជាង៧លានដុល្លារ ខណៈលោក ឌួង ងៀប បានអះអាងថា មិនដែលស្គាល់បុរសជជនជាតិតៃវ៉ាន់នេះទេ។
ជាក់ស្ដែងនាមុននេះបន្តិចលោក ផែង វណ្ណៈ បានបង្ហោះសារនៅលើហ្វេសប៊ុក ព្រមទាំងភ្ជាប់ជាមួយរូបភាពមួយចំនួន ដោយនិយាយយ៉ាងដូច្នេះថា៖«បន្ទាប់ពីលោកផ្កាយបី ឌួង ងៀប ចេញ Live video អះអាងថា គាត់កំពុងរងអំពេីអយុត្តិធម៌ពីសំណាក់ចៅក្រម សាលាដំបូងរាជធានីភ្នំពេញ និង មិនដែលស្គាល់ ដេីមបណ្ដឹងជាជនជាតិចិនតៃវ៉ាន់ ឥលូវនេះខាងជនរងគ្រោះ បានផ្ញេីរូបថតថតជាមួយលោកផ្កាយបី ឌួង ងៀប ជាច្រើនសន្លឹកដេីម្បីបញ្ជាក់ជូនមហាជនថា លោកផ្កាយបី ឌួង ងៀប ភូតកុហកបោកប្រាស់តាមអំពើចិត្តបានទេ ។
ខ្ញុំមិនដឹងរឿងស៉ីជំរៅ រវាងជនជាតិចិនតៃវ៉ាន និង លោកផ្កាយបី ឌួង ងៀប ទេ ទុកអោយ តុលាការចាត់ការតាមច្បាប់ចុះ ។ តែខ្ញុំផ្សាយគ្រាន់តែចង់ប្រាប់ថា លោកផ្កាយបី ឌួង ងៀប និង ដេីមបណ្ដឹងជាជនជាតិចិនតៃវ៉ាន់ ជាមនុស្សស្គាល់គ្នា មិនមែនមិនដែលស្គាល់គ្នាសោះនោះទេ ។
តាមសាច់រឿង លោកផ្កាយបី ឌួង ងៀប គេចមិនផុតពីការនាំខ្លួនទេ ឬ ការចាប់ខ្លួនទេ ។ ប៉ុន្ដែការនាំខ្លួនមានឧបសគ្គ ដោយសារមានអ្នកធំ អន្តរាគមន៍មិនអោយនាំខ្លួន ។ ជនរងគ្រោះមិនអោយលុយពួកគេជាង ៧ លានដុល្លារ បាត់បង់ដោយងាយៗទេ» ៕