នៅពេលដែលយើងនិយាយអំពីសត្វចិញ្ចឹម វាអាចបង្រៀនយើងអោយស្គាល់នូវមេរៀនមួយចំនួនក្នុងសង្គមជិវិតបច្ចុប្បន្ន។ មនុស្សពិតជាខ្វល់ច្រើន វិភាគច្រើនពេក បារម្ភខ្លាំងពេក ប៉ុន្តែតើការបារម្មណ៍គិតទាំងនោះបានផ្តល់អ្វីខ្លះជាប្រយោជន៍សម្រាប់ផ្លូវចិត្តរបស់អ្នក?ខាងក្រោមនេះ គឺជាអ្វីដែលអ្នកគួរតែរៀនពីសត្វចិញ្ចឹមរបស់អ្នក។
- តើអ្នកធ្លាប់ឃើញសត្វឆ្កែចេះវិនិច្ឆ័យទៅលើនរណាម្នាក់ចំពោះ ការងារ ឋានះ សង្គមដែរឬទេ?ប្រាកដជាមិនធ្លាប់ទេ សត្វទាំងអស់គ្រាន់តែគិតថា តើពួកគេជានរណាហើយធ្វើការវិនិច្ឆ័យទៅលើសកម្មភាពតែប៉ុណ្ណោះ បើមនុស្សសំដែងសេចក្តីស្រឡាញ់ ឬចិត្តសប្បុរសចំពោះគេ គេក៏ប្រព្រឹត្តអំពើល្អតបស្នងត្រឡប់មកវិញដូចគ្នា។
- ការគិតច្រើនគឺជាធម្មជាតិរបស់មនុស្ស ហើយប្រាកដណាស់ថា ក្នុងករណីខ្លះការគិតពិតជាមានសារះប្រយោជន៍ ប៉ុន្តែយូរៗទៅ អ្នកគួរតែគិតពីចំនុចសំខាន់របស់សត្វឆ្កែត្រង់ថា តើអ្នកធ្លាប់ឃើញសត្វឆ្កែពេលវាចេញទៅខាងក្រៅម្តងៗ តើវាមានសេចក្តីសុខរីករាយ និងសេរីភាពប៉ុណ្ណា ? ចុះបើយើងធ្វើកុំគិតច្រើនពេក ហើយតាំងចិត្តកុំបារម្ភអំពីអ្វីដែលអ្នកដទៃគិត នោះផ្លូវចិត្តផ្លូវកាយរបស់អ្នកនឹងស្រស់ស្រាយមិនខាន។
- សត្វចិញ្ចឹមទាំងអស់ នៅពេលដែលឃើញម្ចាស់មិនសប្បាយចិត្តវាតែងតែនៅក្បែរអ្នកនឹងលួងលោមអ្នក ពួកគេចង់ឃើញម្ចាស់សប្បាយចិត្តគ្រប់ពេលវេលា ហើយពួកវាមិនដែលរំពឹងចង់បានអ្វីត្រឡប់មកវិញពីម្ចាស់ទេ ហើយនេះគឺជាអាថ៍កំបាំងក្នុងការរស់នៅប្រកបដោយសុខសុភមង្គល។
- តើអ្នកអាចស្រម៉ៃបានទេ ថាសត្វឆ្កែវាដែលខឹងអ្នក ដោយសារតែអ្នកមកផ្ទះយឺត ឬមិនបានទិញរបស់អ្វីមួយអោយវាទេ ?អ្នកគួរតែរៀនពីចំនុចនេះ ការរៀនអភ័យទោស ការអាក់អន់ចិត្ត ហើយព្យាយាមបំភ្លេច រឿងល្អៗនឹងកើតមានឡើងជាបន្តបន្ទាប់៕
