ខេត្តកំពង់ធំ ៖ រថយន្តមួយគ្រឿងម៉ាកកាមរីឆ្លាម ពណ៌ទឹកមាស ពាក់ស្លាកលេខ ភ្នំពេញ ២N-៨៦០៤ ខណៈដែលកំពុងបើកបរធ្វើដំណើរក្នុងទិសដីពីភ្នំពេញឆ្ពោះ ទៅខេត្តសៀមរា ដល់ចំណុចគីឡូម៉ែតលេខ១៥៧-១៥៨ ក្នុងភូមិត្រពាំងវែង សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ស្រាប់តែមានអណ្តាតភ្លើងឆេះចេញពីផ្នែកម៉ាស៊ីន យ៉ាងសន្ធោសន្ធៅ កាលពីវេលាម៉ោង ១០ និង០៣ នាទីព្រឹក ថ្ងៃទី២០ ខែមករា ឆ្នាំ២០២២ ។
សមត្ថកិច្ច បានឲ្យដឹងថា អ្នកបើកបររថយន្តខាងលើ មានឈ្មោះ សុំ ធូ ភេទប្រុស អាយុ៤៩ឆ្នាំ រស់នៅភូមិព្រែកគោល ឃុំស្វាយ ស្រុកពញាឮ ខេត្តកណ្តាល ។ រថយន្តរងគ្រោះ រងការខូចខាត ឆេះគ្រឿងម៉ាស៊ីនផ្នែកខាងមុខទាំងស្រុង ។ មូលហេតុ បណ្តាលមកពីឆ្លងចរន្តខ្សែរភ្លើង ។
សមត្ថកិច្ច បញ្ជាក់ថា ករណីនេះ សមត្ថកិច្ច បានចេញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ធំ ជួយអន្តរាគមន៍ចំនួន០១គ្រឿងមិនបានប្រើប្រាសទឹកទេ ដោយសារកម្លាំងបុស្តិ៍រដ្ឋបាលនិងប្រជាការពារព្រមទាំងប្រជាពលរដ្ឋបានយកបំពុងពន្លត់អគ្គិភ័យចំនួន០២បំពង់ជួយពន្លត់ទាន់ពេលវេលា៕
