ប្រេងដូងត្រូវបានគេចាត់ទុកថា គឺជាគ្រឿងសម្អាងធម្មជាតិដ៏អស្ចារ្យ ដែលជួយដោះស្រាយរាល់បញ្ហាសម្រស់របស់មិត្តៗនារី ពីក្បាលដល់ចុងជើងដោយមិនចំណាយប្រាក់កាក់ច្រើន។
១. បញ្ហាសក់ជ្រុះ
មុនពេលចូលគេង ការជ្រើសរើសប្រេងដូងយកការម៉ាស្សាទៅលើស្បែកក្បាលរបស់អ្នក ហើយរុំកន្លែងផ្អាប់មួយយប់ រួចលាងសម្អាតសក់នៅពេលព្រឹកវិញ វិតាមីនពីប្រេងដូង ជំនួយអោយសរសៃសក់មានសំណើម ជុំរុញអោយមានការលូតលាស់សក់ថ្មី និងកាត់បន្ថយការជ្រុះសក់ បង្កើនពន្លឺលើសរសៃសក់អោយខ្មៅរលើបរលោង។
២.កាត់បន្ថយអុចខ្មៅនិងស្នាមជ្រួញនៃស្បែក
ប្រេងដូងមានបរិមាណវិតាមីន E ខ្ពស់ និងសំណើមធម្មជាតិ ដូច្នោះការលាបប្រេងដូងទៅលើស្បែក ផ្តល់សំណើដល់ស្បែក កាត់បន្ថយស្នាមអុចខ្មៅ ស្នាមជ្រួញយ៉ាងមានប្រសិទ្ធិភាព ។ប្រសិនបើអ្នកបានប្រើប្រាស់ប្រេងដូងក្នុងរយះពេលយូរ ស្បែករបស់អ្នកកាន់តែមានភាពតឹងណែន ក្មេងជាងវ័យ ពោរពេញទៅដោយថាមពលនៃសុខភាពស្បែក។
៣. ប្រើជាទឹក remove makeup
ក្រៅពីផ្តល់ប្រយោជន៍ទៅលើសក់និងស្បែក ប្រេងដូងក៏អាចប្រើជូតលាងសម្អាតគ្រឿងសម្អាងលើផ្ទៃមុខបានយ៉ាងងាយស្រួល និងបំបាត់ការរោលរមាស់ចំពោះស្បែកផងដែរ។
៤.ម៉ាស្សាមុខ
ប្រេងដូងមានភ្នាក់ងារសម្លាប់បាក់តេរីកំរិតស្រាល។ ដូច្នេះប្រសិនបើមិត្តនារីមានមុនសាច់ អ្នកគួរតែលាបប្រេងដូងទៅលើស្បែកដែលកើតមុននោះ ម៉ាស្សាប្រហែល ១០នាទី ដើម្បីកាត់បន្ថយការកើតមុនបានយ៉ាងឆាប់រហ័ស។៥.កាត់បន្ថយការរលាកស្បែក
ប្រសិនបើអ្នកមានមេរោគផ្សិត រោគសើស្បែក អ្នកអាចនឹងប្រើប្រេងដូងលាបនៅទីតាំងដែលមានបញ្ហានោះ ធ្វើអោយត្រជាក់ បន្ថយការរលាក ក្នុងនោះប្រេងដូងជួយសម្រាលអាការះក្តៅក្រហក់ក្រហាយដែលបណ្តាលមកពីកម្តៅថ្ងៃ។
៦.ទឹកខ្ពុលមាត់
ប្រេងដូងមានអាស៊ីតម៉្យាងដែលមានប្រយោជន៍សម្លាប់មេរោគ ហើយមនុស្សមួយចំនួនតាមតំបន់ ពួកគេប្រើប្រេងដូងលាយជាមួយនឹងទឹកធ្វើជាទឹកខ្ពុរមាត់ ទុករយះពេល១០នាទី ជួយកម្ចាត់កំណកកំបោរបាក់តេរីដែលបណ្តាលអោយពុកធ្មេញ។
៧.ធ្វើជាក្រែម
បន្ទាប់ពីងូតទឹករួច ការមានទម្លាប់លាបប្រេងដូងលើដងខ្លួន បបូរមាត់ ក្រចក ជាពិសេសកែងដៃ កែងជើង ទុកពី១០ ទៅ១៥នាទី វានឹងជួយអោយស្បែកទន់ មិនប្រេះស្ងួត កាត់បន្ថយស្បែកខ្មៅស្រអាប់ ក្រចករឹងមាំ មិនងាយបាក់ និងមានសភាពលឿងឡើយ៕
Home សុខភាព