មានមនុស្សជាច្រើនដែលតែងតែចំណាយពេលដល់ទៅមួយភាគបីនៃជីវិតរបស់ពួកគេក្នុងការគេង ប៉ុន្តែក៏មានមនុស្សជាច្រើនផងដែរមិនដឹងថា ដំណេកមួយណាល្អសម្រាប់សុខភាព។ ដោយមនុស្សជាច្រើនជឿថា បេះដូងស្ថិតនៅផ្នែកខាងឆ្វេង ដូច្នេះការគេងផ្អៀងខាងឆ្វេងនឹងធ្វើឱ្យបេះដូងត្រូវបានបង្ហាប់ ធ្វើឱ្យពិបាកដកដង្ហើម ជាមួយគ្នានេះផងដែរ ក៏មានមនុស្សមួយចំនួនផងដែរ ជឿថា ការគេងផ្អៀងខាងស្តាំ នឹងធ្វើឱ្យមានសម្ពាធលើថ្លើម។ ទោះជាយ៉ាងណាក៏ដោយ យោងតាមអនុប្រធាននាយកដ្ឋានជំងឺបេះដូង នៃមន្ទីរពេទ្យប៉េកាំង ក៏បានធ្វើការបកស្រាយផងដែរថា ការគិតបែបនេះពិតជាមិនត្រឹមត្រូវទេដោយរឿងទាំងអស់នេះគឺត្រូវអាស្រ័យលើករណីជាក់លាក់នីមួយៗ។
+ . មនុស្ស២ប្រភេទដែលគួរគេងផ្អៀងស្តាំ ៖
– មនុស្សដែលមានជំងឺបេះដូង
សម្រាប់អ្នកមានជំងឺបេះដូង ការគេងផ្អៀងខាងស្តាំគឺមានផលល្អជាងការគេងផ្អៀងខាងឆ្វេង ចំពោះមូលហេតុដែលអ្នកត្រូវដឹងនោះគឺ ថាបេះដូងមានទីតាំងនៅខាងស្តាំ 1/3 និងខាងឆ្វេង 2/3 មិនមែននៅកណ្តាលឬទាំងស្រុងនៅខាងឆ្វេងនោះទេ។ជាងនេះទៅទៀតនៅពេលដែលរាងកាយគេងផ្អៀងទៅខាងឆ្វេងគឺអាចបណ្ដាលឲ្យបេះដូងស្ថិតនៅក្រោមខ្សែបន្ទាត់កណ្តាលនៃរាងកាយ ឈាមកាន់តែច្រើននឹងហូរទៅកាន់បេះដូងដោយសារតែទំនាញផែនដី ហើយបន្ទុកលើបេះដូងនឹងធំជាងបន្ទុកនៅខាងស្តាំ ប្រសិនបើរាងកាយផ្នែកខាងលើរបស់មនុស្សដែលមានជំងឺបេះដូងកើនឡើង ហើយចុងខាងក្រោមធ្លាក់ចុះ បរិមាណឈាមដែលត្រឡប់ទៅបេះដូងវិញអាចត្រូវបានកាត់បន្ថយបន្ថែមទៀត ដែលអាចបណ្ដាលឲ្យមានការកាត់បន្ថយបន្ទុកលើបេះដូង ដែលជាមូលហេតុធ្វើឲ្យអ្នកជំងឺខ្សោយបេះដូងជាច្រើននៅពេលដែលពួកគេគេង គេងមិនបាន និងមានអារម្មណ៍មិនស្រួល ដូច្នេះពួកគេត្រូវអង្គុយនៅពាក់កណ្តាលយប់។
– អ្នកដែលមានជំងឺរលាកក្រពះ ការរំលាយអាហារមិនល្អ
ក្រពះរបស់យើងមានទីតាំងនៅខាងឆ្វេងផ្នែកខាងលើនៃពោះ ចំពោះអ្នកដែលមានជំងឺក្រពះនិងមុខងាររំលាយអាហារទាប គួរគេងផ្អៀងខាងស្តាំ ដើម្បីជួយឱ្យដំណើរការនៃការស្រូប និងការរំលាយអាហារក្នុងក្រពះប្រព្រឹត្តទៅបានកាន់តែរលូន។
+ . មនុស្ស ៣ ប្រភេទគួរគេងផ្អៀងស្តាំ ៖
– អ្នកដែលក្រហាយទ្រូងដោយសារការចាល់អាស៊ីត
ចំពោះអ្នកជំងឺដែលមានជំងឺច្រាលក្រពះពោះវៀន អមដោយការក្រហាយទ្រូង និងការចាល់អាស៊ីត ការគេងផ្អៀងខាងឆ្វេងនឹងអាចជួយកាត់បន្ថយរោគសញ្ញាខាងលើបាន ជាងនេះទៅទៀតវាក៏អាចកាត់បន្ថយការកើតជំងឺច្រាលទឹកនោម និងកាត់បន្ថយពេលវេលាប៉ះនឹងអាស៊ីតបំពង់អាហារពី ១៣% ទៅ ៧៦%ផងដែរ ។
លើសពីនេះ អ្នកដែលមានជំងឺច្រាលក្រពះពោះវៀនក៏គួរតែលើកទីតាំងក្បាល ឬលើកក្បាលគ្រែ ហើយប្រើពូកពេលគេង ព្រោះទីតាំងនេះនឹងជួយពន្លឿនការលុបបំបាត់ជាតិអាស៊ីត និងកាត់បន្ថយ 9% ~ 52% នៃពេលវេលានៃការប៉ះពាល់អាស៊ីតនៅក្នុងបំពង់អាហារ។
– មនុស្សដែលមានការកើនឡើងនៃអាស៊ីតក្រពះ
អ្នកដែលមានអាស៊ីតក្រពះច្រើនពេក ក៏ត្រូវបានណែនាំឱ្យគេងផ្អៀងខាងឆ្វេងផងដែរ។ ប្រសិនបើអ្នកគេងផ្អៀខាងស្តាំទីតាំងនៃបំពង់អាហារនឹងទាបជាងទីតាំងនៃក្រពះ។យ៉ាងណាមិញបើអ្នកគេងផ្អៀងទៅខាងឆ្វេង នោះវានឹងជួយពន្លឿនលំហូរអាស៊ីតក្រពះទៅក្នុងផ្លូវរំលាយអាហាររបស់អ្នកបានយ៉ាងល្អ ។
ក្រៅពីក្រុមមនុស្សដែលត្រូវបានណែនាំអោយគេងផ្អៀងខាងស្តាំ ឬខាងឆ្វេង ក៏មានអ្នកដែលត្រូវបានណែនាំអោយគេងផ្អៀងផងដែរ រួមមានៈ
– អ្នកដែលមានជំងឺដាច់សរសៃឈាមខួរក្បាល
– អ្នកដែលឈឺសន្លាក់
– នឹងក្រុមមនុស្សដែលមានឌីស herniated៕
អត្ថបទដោយ៖ សុផានីត
