ជើង គឺជាផ្នែកមួយដែលអាចប្រាប់ពីស្ថានភាពសុខភាពជាច្រើនរបស់អ្នក បើអ្នកមិនមានសញ្ញាទាំង ២ ខាងក្រោមនេះទេ នោះបង្ហាញថាសុខភាពអ្នកល្អធម្មតា ដោយអាចមានជំងឺតិចតួច ។
ជើងរបស់មនុស្សត្រូវបានគេប្រដូចទៅនឹងខួរក្បាលទីពីរ ពេលខ្លះគ្រាន់តែមើលជើងរបស់ពួកគេ ក៏អាចដឹងពីស្ថានភាពសុខភាពរបស់ពួកគេបានផងដែរ ។
ប្រសិនបើអ្នកសម្គាល់ឃើញសញ្ញាទាំង 2 ខាងក្រោមនេះកើតមាននៅលើជើងរបស់អ្នក សូមអ្នកប្រញាប់ទៅជួបគ្រូពេទ្យជាបន្ទាន់ ៖
– សរសៃពួរនៅលើជើងឡើងរឹងខ្លាំង
ថ្វីត្បិតតែជើងនៅឆ្ងាយពីសរីរាង្គខាងក្នុងក៏ដោយ ប៉ុន្តែវាក៏មានទំនាក់ទំនងគ្នាយ៉ាងជិតស្និទ្ធផងដែរ ដោយទីតាំងនីមួយៗនៅលើបាតជើងមានសរសៃប្រសាទ និងសរសៃឈាមរាប់មិនអស់ ដែលភ្ជាប់ជាមួយនឹងសរសៃឈាមក្នុងបេះដូង ឆ្អឹងខ្នង និងខួរក្បាល… ដោយនៅពេលយើង មើលជើង យើងអាចទស្សន៍ទាយអំពីស្ថានភាពនៃជំងឺរបស់យើងបាន។
មនុស្សគ្រប់រូបមានសរសៃឈាមអណ្តែតនៅលើជើង ដែលយើងធ្លាប់ហៅវាថា សរសៃពួរ ដែលជារឿយៗមិនមានមនុស្សជាច្រើនកត់សម្គាល់ ប៉ុន្តែនេះគឺជា សរីរាង្គដែលបង្ហាញពីអាយុវែង។
វេជ្ជសាស្រ្ដចិនជឿថា នៅពេលដែលអ្នកបន្ទាបក្បាលរបស់អ្នក ហើយប៉ះសរសៃពួរនៅក្នុងជើងរបស់អ្នក ប្រសិនបើអ្នកមានអារម្មណ៍ទន់ នោះមានន័យថា ចរន្តឈាមរត់បានរលូន និងមានសុខភាពល្អ តែផ្ទុយទៅវិញ ប្រសិនបើសរសៃពួរនេះរឹង នោះទំនងជាសញ្ញានៃការឡើងរឹងនៃសរសៃឈាមរបស់អ្នក។
ដែលការឡើងរឹងនៃសរសៃឈាម ត្រូវបានបង្កើតឡើងបន្ទាប់ពីរយៈពេលយូរនៅពេលដែលរាងកាយត្រូវបានផ្ទុកលើសទម្ងន់នៃសារធាតុដែលនាំឱ្យលើសនោះ ព្រមទាំងសំណល់ដែលមិនត្រូវបានលុបចោលទាំងស្រុងនឹងជាប់នឹងជញ្ជាំងសរសៃឈាមដែលបណ្តាលឱ្យរឹង។
នៅពេលដែលសម្ពាធឈាមឡើងខ្ពស់ បន្ទះនឹងដួលរលំ ហើយក្លាយជាឧបសគ្គដល់លំហូរឈាម ដែលបណ្ដាលឲ្យស្ទះសរសៃឈាម។ ក្នុងករណីធ្ងន់ធ្ងរ ការឡើងរឹងនៃសរសៃឈាមនេះ អាចបណ្តាលឱ្យដាច់សរសៃឈាមខួរក្បាល ជំងឺសរសៃឈាមបេះដូង ព្រមទាំងអាចគំរាមកំហែងដល់អាយុជីវិតផងដែរ ។
– ស្ពឹកជើងញឹកញាប់
ប្រសិនបើជើងរបស់អ្នកជារឿយៗស្ពឹកដោយគ្មានហេតុផល សូមពិនិត្យមើលឱ្យកាន់តែច្បាស់៖
ការស្ពឹកជើងអាចជាសញ្ញានៃសរសៃឈាមដែលស្ទះ ដែលនាំឱ្យស្ទះដល់លំហូរឈាម ធ្វើឱ្យស្ពឹកក្នុងជើង។
ការស្ពឹកជើងក៏អាចជាសញ្ញានៃជំងឺដាច់សរសៃឈាមខួរក្បាលផងដែរ ហើយជនរងគ្រោះដោយជំងឺដាច់សរសៃឈាមខួរក្បាលតែងតែមានអារម្មណ៍ទន់ខ្សោយ និងស្ពឹកនៅជើងម្ខាង ឬទាំងពីរ ដែលវាបណ្ដាលឲ្យមានអារម្មណ៍បាត់បង់ការស្តាប់ នឹងពិបាកក្នុងការនិយាយ។ សម្រាប់អ្នកជំងឺទឹកនោមផ្អែម ពេលជាតិស្ករក្នុងឈាមឡើងខ្ពស់ ក៏អាចមានអារម្មណ៏ស្ពឹកដៃជើងផងដែរ ជាពិសេសជើង។
ការស្ពឹកជើង គឺជាសញ្ញានៃជំងឺគ្រោះថ្នាក់ជាច្រើន ប្រសិនបើអ្នកមានអារម្មណ៍ថាស្ពឹកជើងជាញឹកញាប់ដោយគ្មានមូលហេតុ អមដោយរោគសញ្ញាមួយចំនួនដូចជាអស់កម្លាំង ស្រកទម្ងន់ ឈឺខ្នងទាបជាដើម អ្នកគួរតែទៅជួបគ្រូពេទ្យឲ្យបានឆាប់រហ័សតាមដែលអាចធ្វើទៅបាន ដើម្បីកុំឱ្យប៉ះពាល់ដល់អាយុសង្ឃឹមរបស់អ្នក ។
អត្ថបទដោយ៖ សុផានីត