កន្ទួលអាឡែស៊ី ឬ កន្ទួលរមាស់ តើវាបណ្តាលមកពីអ្វី?
កន្ទួលរមាស់ ឬកន្ទួលអាឡែស៊ី តាមវេជ្ជសាស្ត្រហៅថា Urticaria វាអាចកើតឡើងដោយសារហេតុផលមួយចំនួនដូចជា៖
– អាហារ
– អាកាសធាតុ
– ភាពតានតឹង
– ការប៉ះទៅនឹងអ្វីមួយ ។ល។
វិធី ៩យ៉ាង ដើម្បីកាត់បន្ថយ “កន្ទួលរមាស់” នៅលើស្បែកយ៉ាងឆាប់រហ័ស
– អាកាសធាតុត្រជាក់
ពេលត្រជាក់ប៉ះកន្លែងដែលមានកន្ទួល នឹងជួយកាត់បន្ថយការរលាក កាត់បន្ថយការបញ្ចេញអ៊ីស្តាមីនដែលជាសារធាតុដែលអាចបង្កឱ្យមានកន្ទួលរមាស់ បន្ថែមពីលើនេះទៀត ភាពត្រជាក់ជួយឱ្យអារម្មណ៍នៃការរមាស់ថយចុះ ដែលធ្វើឱ្យយើងមានអារម្មណ៍ស្ពឹក និងមានអារម្មណ៍រមាស់តិចៗ ប៉ុន្តែប្រសិនបើកន្ទួលដែលមានស្រាប់គឺបណ្តាលមកពីអាឡែហ្ស៊ីត្រជាក់ (Cold Urticaria) ដូចជាអាកាសធាតុត្រជាក់ ឬស្ងួត វិធីសាស្ត្រនេះមិនត្រូវបានណែនាំទេ។
– ទឹកផ្កាឈូក
ជឿឬមិនជឿថា ការងូតទឹកអាចជួយកាត់បន្ថយកន្ទួលរមាស់បានច្រើន ពេលយើងងូតទឹក ឬត្រាំទឹកក្នុងអាង ទឹកបានជ្រាបចូលទៅក្នុងស្បែក ធ្វើឱ្យស្បែកយើងមានសំណើម និងធ្វើឱ្យរមាស់តិចៗ ទាំងដែលទាំងទឹកត្រជាក់ និងទឹកក្តៅ អាចជួយកាត់បន្ថយការរមាស់បានដូចគ្នា ។ ប៉ុន្តែសូមណែនាំឱ្យងូតទឹកឬត្រាំក្នុងទឹកត្រជាក់ជាជាងទឹកក្តៅឧណ្ហៗ ដែលបណ្ដាលឲ្យការរមាស់មានភាពធូរស្រាលលឿនជាង។ ទឹកត្រជាក់បន្ថយចុងសរសៃប្រសាទ និងកាត់បន្ថយការរមាស់ ហើម និងរលាក ប៉ុន្តែទឹកក្តៅនឹងធ្វើសកម្មភាពលើតំបន់ខួរក្បាល នឹងកាត់បន្ថយសញ្ញាដែលបណ្តាលឱ្យរមាស់ដល់ខួរក្បាល កាត់បន្ថយការរមាស់ផងដែរ ។ ប៉ុន្តែទឹកត្រជាក់មានប្រសិទ្ធភាពជាង ជាពិសេសចំពោះអ្នកដែលមានកន្ទួលអាឡែស៊ីកន្ទួលដោយសារកំដៅ ក្តៅខ្លួន ឬហាត់ប្រាណរហូតដល់មានកន្ទួលរមាស់ រួមទាំងមនុស្សមួយចំនួនដែលមានកន្ទួលញឹកញាប់ពីការងូតទឹកក្តៅខ្លាំង
– ប្រើក្រែមងូតទឹកលាយជាមួយម្សៅស្រូវសាលី
Oatmeal ត្រូវបានគេប្រើច្រើនជាគ្រឿងផ្សំក្នុងការងូតទឹក ព្រោះវាអាចផ្តល់សំណើមដល់ស្បែកឲ្យមានភាពទន់ល្មើយ បើស្បែកមានសំណើមនិងទន់រលោង វាមិនបណ្តាលឲ្យរមាស់កើតមានឡើយ ឬមានកន្ទួលអាឡែស៊ីតិចជាងមុន រួមទាំងការងូតទឹកជាមួយនឹងក្រុមផលិតផលថែរក្សាស្បែក ចិញ្ចឹមស្បែក ឬមានសារធាតុដែលជួយចិញ្ចឹមស្បែកឱ្យមានសំណើម។ ជាងនេះទៅទៀត វាក៏អាចជួយកាត់បន្ថយការឡើងកន្ទួលអាលែកហ្ស៊ីដែលច្រើនតែបង្កឡើងដោយស្បែកស្ងួតខ្លាំងផងដែរ។
– ជៀសវាងការកេះដែលបណ្តាលឱ្យមានកន្ទួល
ព្យាយាមនៅឱ្យឆ្ងាយពីអ្វីដែលយើងដឹងថាវាជាមូលហេតុមួយក្នុងចំណោមមូលហេតុនៃកន្ទួលដូចជា សាប៊ូ ជាមួយអង្កាំជាដើម ។ នៅពេលដែលយើងត្រដុសលើរាងកាយ វាអាចបណ្តាលឱ្យមានរបួសតូចៗនៅលើស្បែក ឬមានការរលាកច្រើនរួមទាំងវត្ថុដែលប៉ះនឹងស្បែករបស់យើងដូចជា គ្រឿងអនាម័យ គ្រឿងសម្អាង ហើយប្រសិនបើរកឃើញមូលហេតុ សូមឈប់ប្រើវាភ្លាម។
– ប្រើ Aloe vera ( ប្រទាលកន្ទុយក្រពើ )
Aloe Vera ឬ ប្រទាលកន្ទុយក្រពើ គឺត្រជាក់ដែលនៅពេលលាបលើស្បែកកន្ទួល នឹងធ្វើឱ្យមានអារម្មណ៍ថារមាស់តិចៗ វាក៏មានជាតិសំណើមដែលរក្សាសំណើមដល់ស្បែកផងដែរ។ នៅពេលដែលស្បែកមានសំណើម និងទន់ជាងមុន កន្ទួលត្រូវបានកាត់បន្ថយបានយ៉ាងឆាប់រហ័ស ។
– ប្រើ Calamine lotion
Calamine Lotion ឬ Bubble Gum Pink Liquid គឺជាថ្នាំរាវដែលស្រដៀងនឹងស្ករកៅស៊ូពណ៌ផ្កាឈូក ដែលមានក្លិនត្រជាក់ អាចកាត់បន្ថយការរមាស់ផងដែរ ហើយថែមទាំងផ្តល់សំណើមដល់ស្បែកទៀតផង។ អ្នកដែលមានកន្ទួលរមាស់ញឹកញាប់ ហើយយកកាឡាមីនទៅប្រើនៅកន្លែងផ្សេងៗក្នុងផ្ទះ ការិយាល័យ ក្នុងឡាន ដើម្បីអាចយកមកប្រើបានរាល់ពេលមានរមាស់បានផងដែរ ។Calamine lotion– ប្រើថ្នាំប្រឆាំងនឹងអ៊ីស្តាមីន
ថ្នាំប្រឆាំងអ៊ីស្តាមីន ត្រូវបានគេស្គាល់ថាជាថ្នាំប្រឆាំងនឹងអ៊ីស្តាមីន គឺជាកន្ទួលអាឡែស៊ីដែលបណ្តាលមកពីការបញ្ចេញអ៊ីស្តាមីនដោយរាងកាយ មានហេតុផលជាច្រើនដែលធ្វើឲ្យរាងកាយបញ្ចេញសារធាតុទាំងនោះ ដូចជា អាលែកហ្ស៊ីអាហារ ភាពតានតឹង ឬការប៉ះពាល់នឹងសារធាតុគីមីផ្សេងៗ។ ដូច្នេះថ្នាំប្រឆាំងអ៊ីស្តាមីនត្រូវបានផលិតឡើងដើម្បីរារាំងការសម្ងាត់អ៊ីស្តាមីន ថ្នាំប្រឆាំងនឹងអ៊ីស្តាមីនមួយចំនួនអាចធ្វើឱ្យអ្នកងងុយគេង បើអ្នកមិនចង់ងងុយគេងព្រោះត្រូវធ្វើការ ឬបើកបរ អ្នកគួរទៅពិគ្រោះជាមួយគ្រូពេទ្យឬឱសថការី អាចជ្រើសរើសថ្នាំប្រឆាំងនឹងអ៊ីស្តាមីនដែលមិនធ្វើឱ្យអ្នកងងុយគេងបាន។
– ការគ្រប់គ្រងភាពតានតឹង
ភាពតានតឹង គឺជាមូលហេតុនៃជំងឺធ្ងន់ធ្ងរជាច្រើនរួមទាំងកន្ទួលអាឡែស៊ី និងកន្ទួលរមាស់ផ្សេងៗ អាចសាកល្បងវិធីផ្សេងៗដើម្បីកាត់បន្ថយភាពតានតឹង ដូចជាចំណាយពេលសម្រាក ធ្វើអ្វីដែលអ្នកចាប់អារម្មណ៍ និយាយជាមួយសមាជិកគ្រួសារ មិត្តភក្តិ ឬប្រសិនបើអ្នកមានភាពតានតឹងខ្លាំងរហូតដល់មិនអាចគ្រប់គ្រងបាន សូមពិគ្រោះជាមួយវេជ្ជបណ្ឌិត លើសពីនេះ ការគេងមិនគ្រប់គ្រាន់ក៏វាគឺជាមូលហេតុនៃកន្ទួលអាឡែស៊ី ឬកន្ទួលរមាស់ផងដែរ។
អត្ថបទដោយ៖ សុផានីត