ផ្លែខ្នុរ ត្រូវបានគេចាត់ទុកជាផ្លែឈើដែលមានក្លិនខ្លាំង ប៉ុន្តែប្រសិនបើបានភ្លក់រសជាតិ វាអាចនឹងធ្វើឱ្យមនុស្សស្រីជាច្រើនដែលមិនចូលចិត្តក្លិននៃផ្លែឈើនេះ តែភាពទាក់ទាញរបស់វាគឺមានរសជាតិផ្អែម
ហើយអ្វីដែលសំខាន់ជាងនេះទៅទៀត ខ្នុរគឺជាផ្លែឈើដែលផ្តល់អត្ថប្រយោជន៍ជាច្រើនដល់រាងកាយមិនធ្លាប់មាន។ ជាពិសេសទាក់ទងនឹងការថែរក្សាស្បែក និងការថែរក្សាភ្នែកនឹងបានផ្ដល់នូវអត្ថប្រយោជន៍ជាច្រើនផ្សេងទៀត ។
1. ចិញ្ចឹមស្បែក និងភ្នែក
ផ្លែខ្នុរសម្បូរទៅដោយវីតាមីន A ដែលជាសារធាតុចិញ្ចឹម ជួយបំប៉នភ្នែកឱ្យអាចមើលឃើញបានច្បាស់ ហើយក៏ជួយការពារជំងឺភ្នែកឡើងបាយផងដែរ ។ លើសពីនេះទៅទៀត ផ្លែខ្នុរក៏មានសារធាតុប្រឆាំងភាពចាស់នៅលើស្បែកផងដែរ ដែលជួយការពារស្បែកពីកំដៅថ្ងៃ និងមិនបង្កឲ្យមានភាពជ្រីវជ្រួញ។
2. ចិញ្ចឹមឆ្អឹង
កាល់ស្យូមដែលមាននៅក្នុងផ្លែខ្នុរ ក៏បានចូលរួមចំណែកក្នុងការថែទាំឆ្អឹងរបស់យើងយ៉ាងមានប្រសិទ្ធភាពផងដែរ ព្រោះតែវាមានផ្ទុកនូវវីតាមីន C និងម៉ាញ៉េស្យូម ដែលសារធាតុទាំងអស់នេះ ជាជំនួយដ៏សំខាន់ក្នុងការធ្វើឱ្យការស្រូបយកជាតិកាល់ស្យូមទៅក្នុងរាងកាយកាន់តែងាយស្រួល ។
3. ចិញ្ចឹមសរសៃប្រសាទ
ផ្លែខ្នុរមានសារធាតុចិញ្ចឹមសំខាន់ៗនៃប្រព័ន្ធប្រសាទដូចជា ជាតិ Thiamine ជាតិ niacin និងសារធាតុរ៉ែ ដែលជួយជំរុញដំណើរការនៃខួរក្បាល និងប្រព័ន្ធប្រសាទ ហើយវាក៏ជួយបន្ថយភាពអស់កម្លាំង ឬខ្សោយសាច់ដុំ បានយ៉ាងល្អផងដែរ ។
4. ព្យាបាលពងបែក
ខ្នុរជាផ្លែឈើដែលមានលក្ខណៈសម្បត្តិប្រឆាំងនឹងការរលាក រួមទាំង antibacterial និង antiviral សំខាន់វាក៏មានសារធាតុប្រឆាំងអុកស៊ីតកម្ម ដែលជួយការពារកោសិកាស្បែកពីការបំផ្លាញផងដែរ។ ដូច្នេះវាមិនចម្លែកទេដែលខ្នុរអាចព្យាបាលជំងឺត្រអក និងពងបែក។
5. បន្ថយសម្ពាធឈាម
ព្រោះខ្នុរមានចាតិប៉ូតាស្យូមខ្ពស់ ដែលអាចកាត់បន្ថយសម្ពាធឈាម ដែលមានន័យថាការទទួលទានផ្លែខ្នុរនឹងជួយរក្សាសម្ពាធឈាមឱ្យមានតុល្យភាព និងកាត់បន្ថយមិនឱ្យមានរោគសញ្ញានៃជំងឺបេះដូងស្ទះសរសៃឈាម រួមទាំងបញ្ហាដែលបណ្តាលមកពីភាពមិនប្រក្រតីនៃសរសៃឈាមផងដែរ ។
6. ការពារភាពស្លេកស្លាំង
ផ្លែខ្នុរមានជាតិដែក និងម៉ាញ៉េស្យូម ដែលជាតិដែកគឺជាសមាសធាតុសំខាន់
នៃកោសិកាឈាម ម៉ាញ៉េស្យូមគឺជាធាតុសំខាន់សម្រាប់កោសិកាឈាមស ដូច្នេះហើយ វាអាចជួយការពារ
ភាពស្លេកស្លាំងបាន ។
7. ការពារជំងឺមហារីក
ខ្នុរជាផ្លែឈើដែលមានសារធាតុប្រឆាំងអុកស៊ីតកម្ម ដោយវាសម្បូរទៅដោយសារ
ធាតុ Phytonutrients និងវីតាមីន C ដែលសារធាតុចិញ្ចឹមទាំងនេះ ជួយការពារជំងឺមហារីកប្រភេទផ្សេ
ងៗបានផងដែរ ព្រោះសារធាតុចិញ្ចឹមទាំងនេះជួយការពារកោសិកាក្នុងរាងកាយពីការបំផ្លាញ ក៏ដូចជា
ជួយជួសជុលការទាក់ និងរហែកដោយខ្លួនវាផងដែរ។
បន្ថែមពីនេះ ខ្នុរក៏អាចជួយទៅដល់បញ្ហាប្រព័ន្ធរំលាយអាហារ និងជួយដល់ការគេងមិនលក់ផងដែរ។
ទោះជាយ៉ាងណាក៏ដោយ វាគួរតែត្រូវបានបរិភោគក្នុងកម្រិតមធ្យម ដើម្បីជួយឱ្យរាងកាយរបស់អ្នក
ទទួលបានអត្ថប្រយោជន៍ច្រើនបំផុតពីផ្លែឈើនេះ។
អត្ថបទដោយ៖ សុផានីត