អ្នកចាំទីដៃទី១ របស់ក្លឹបតោខៀវ Chelsea បានជួយបប្រទះរឿងលំបាកជាច្រើនមុននិងជោគជ័យដល់សព្វថ្ងៃនេះ។ អ្នកចាំទី Édouard Mendy ពេលមកដល់ Chelsea គាត់ធ្លាប់បានរៀបរាប់ទុក្ខលំបាកជាច្រើនដែលខ្លួនធ្លាប់បានជួប ដោយបានលើកឡើងថា:
“កាលអាយុ២២ឆ្នាំកុងត្រារបស់ខ្ញុំជាមួយក្លឹប AS Cherbourg បានផុតហើយ។ ភ្នាក់ងាររបស់ខ្ញុំបាននិយាយថា ខ្ញុំទទួលបានសំណើទៅចូលរួមជាមួយក្លឹបផ្សេងទៀត។ ក្រោយមក! ខ្ញុំព្យាយាមទាក់ទងគាត់តែគ្មានការឆ្លើយតប។ ខ្ញុំមិនបានទទួលព័ត៌មានអំពីដំណឹងក្លឹបថ្មីអ្វីនោះទេ ក្រៅពីសារជូនពរឲ្យមានសំណាងល្អនៅពេលអនាគត៕”
“ខ្ញុំគ្មានការងារធ្វើទេ ហើយក៏គ្មានក្លឹបលេងដែរ។ ខ្ញុំបានសម្រេចចិត្តឈប់លេងបាល់ ប៉ុន្តែដោយសារជ្រោមជ្រែងលើកទឹកចិត្តពីឪពុកម្ដាយនិង ក្រុមគ្រួសារ ខ្ញុំបានសម្រេចចិត្តព្យាយាមម្ដងទៀត។ ខ្ញុំចូលរួមជាមួយក្លិប Le Havre ហើយខ្ញុំលេងដោយមិនទទួលបានប្រាក់ឈ្នួលអស់មួយឆ្នាំ។ បន្ទាប់មកខ្ញុំត្រូវបានគេជ្រើសរើសជាអ្នកចាំទីដៃទី៣នៅMarseille”។
ក៏បន្តែបច្ចប្បន្ន Mendy ក្លាយជាអ្នកចាំទីដៃទី ១ នៅក្រុម Chelsea នឹងជួយអោយក្លឹបនេះឈ្នះពាន UEFA Champion League និង UEFA Super Cup ផងដែរ។ មិនតែប៉ុណ្ណោះរូបគេផ្ទាល់ក៏បានក្លាយជាអ្នកចាំទីល្អប្រចាំឆ្នាំរបស់ UEFA នៅក្នុងរដូវកាលនេះផងដែរ៕