ខេត្តព្រះសីហនុ៖ នាល្ងាចថ្ងៃទី២៤ ខែសីហា ឆ្នាំ២០២១ មានភ្លៀងធ្លាក់ក្នុងកម្រិតមធ្យមទៅខ្លាំង ដែលធ្វើអោយតំបន់អូរ២ អូរ៣ អូរ៤ និងអូរ៥ ក្នុងសង្កាត់លេខ៤ ស្ថិតនៅក្នុងខេត្តព្រះសីហនុ ពេលនេះមានការលិចខ្លាំង ដូចនេះសូមបងប្អូនមេត្តាប្រុងប្រយ័ត្នទាំងអស់គ្នា ។
មន្ត្រីមូលដ្ឋានក្នុងក្រុងព្រះសីហនុ បានឲ្យដឹងថា ក្នុងស្ថានភាពកម្រិតទឹកភ្លៀងខ្លាំងបែបនេះ តំបន់ទំនាបតាមសង្កាត់មួយចំនួន មានជំនន់ទឹកភ្លៀងកើតឡើង ដោយសារតែទឹកហូរមិនទាន់ តាមអូរ ប្រឡាយរំដោះទឹក ។
ទោះជាយ៉ាងនេះក្តី បើតាមមន្ត្រីរដ្ឋបាលក្រុងព្រះសីហនុ បានបញ្ជាក់ថា ផ្អែកលើស្ថានភាពអូរ ប្រឡាយរំដោះទឹក ដែលអាជ្ញាធរបានស្តារកន្លងមក គឺទឹកអាចនឹងហូរ និងស្រកចុះបានលឿន ។ ព័ត៌មានលម្អិតនឹងផ្សាយជូនបន្ថែម ៕