ប្រកួតដំបូងនៃក្រនខណ្ឌអុីតាលី Serie A មានភាពចម្រូងចម្រាស់បន្តិច ដោយខ្សែប្រយុទ្ធ Ronaldo តែតចូលគ្រាប់ជ័យជំនះ ក៏ប៉ុន្តែអជ្ញាកណ្តាលមិនអោយទៅវិញ។
ហេតុការណ៍នេះ បានកើតឡើងនៅក្នុងជំនួបរវាងក្រុមម្ចាស់ផ្ទះ Udinese និងសេះបង្កង់ Juventus។ នៅក្នុងការប្រកួតនេះ ក្រុម Juventus បានបើកការនាំមុខមុន ២-០ នៅតង់ទីមួយ។ លុះឈានដល់វគ្គទី ២ ក្រុមម្ចាស់ផ្ទះក៏ធ្វើបាន២គ្រាប់តាមស្មើមកវិញ។
នៅនាទី ៩០+៤ Ronaldo បានតែតបញ្ចូលទីគ្រាប់ជ័យជំនះអោយ Juventus ក៏ប៉ុន្តែអជ្ញាកណ្តាលបានពិន័យបាល់នេះ Offside ទៅវិញនៅនាទី ៩៧ ក្រោយពីធ្វើការពិនិត្យ VAR រួចមក។ ចប់ការប្រកួត Juventus បានត្រឹមមួយពិន្ទុ ក្នុងការប្រកួតបើកឆាករបស់ខ្លួន។