បរទេស៖ នាមុននេះបន្តិចមានវីដេអូដ៏គួរឲ្យសង្វែកមួយ ដែលយន្តហោះយោធាសហរដ្ឋអាមេរិកC-17 មុនចាកចេញ ដោយពលរដ្ឋអាហ្វហ្គានីស្ថានជាច្រេីននាក់បានដណ្តេីមគ្នាឡេីងជិះដោយលាក់ខ្លួននៅស្លាប និងប្រលោះកង់យន្តហោះ។ បន្ទាប់ពីហោះហេីរមានមនុស្សបីនាក់ បានធ្លាក់ស្លាប់ចេញពីចុងនៃស្លាប និងប្រលោះកង់ ដែលធ្លាក់លេីដំបូងផ្ទះពលរដ្ឋនៅជិតព្រលានយន្តរដ្ឋធានីនៃប្រទេសមួយនេះ។
ជាមួយគ្នានេះដែរមនុស្សរាប់ពាន់បានដេកចាំនៅព្រលានយន្តហោះដេីម្បីរងចាំជេីងយន្តហោះណាមួយធ្វេីដំណេីរចាកចេញពីប្រទេសអាហ្វហ្គានីស្ថាន ដេីម្បីផ្សព្វព្រេងជីវិតថ្មី។
គួររំលឹកដែលថា ក្រុមសកម្មប្រយុទ្ធ តាលីបង់ បានវាយដណ្ដើមបានរដ្ឋធានី កាប៊ុល ដែលជាបេះដូងនៃប្រទេសអាហ្វហ្កានីស្ថាន ហើយក៏ចូលទៅគ្រប់គ្រងវិមានប្រធានាធិបតីផងដែរ នៅថ្ងៃចន្ទ ទី១៦ ខែសីហានេះ ពោលគឺប៉ុន្មានសប្ដាហ៍ប៉ុណ្ណោះក្រោយកងទ័ពបរទេសដែលដឹកនាំដោយអាមេរិក បានដកថយចេញពីប្រទេសហែកហួរដោយសារសង្គ្រាមនៅមជ្ឈិមបូព៌ាមួយនេះ ខណៈប្រធានាធិបតីអាហ្វហ្គានីស្ថាន លោក Ashraf Ghani ក៏បានភៀសខ្លួនចាកចេញពីប្រទេសហើយដែរ ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖