បរទេស៖ នាយករដ្ឋមន្ត្រី ម៉ាឡេស៊ី នឹងដាក់ពាក្យសុំចុះពីតំណែងនៅថ្ងៃច័ន្ទ ទី១៦សីហា។ នេះបើតាមប្រភពពីមន្ត្រីជាន់ខ្ពស់រដ្ឋាភិបាលម៉ាឡេស៊ី ដែលបានប្រាប់អ្នកសារព័ត៌មាន។
ការប្រកាសលាឈប់ពីតំណែងប្រមុខរដ្ឋាភិបាលនេះ គឺទំនងជាឆ្លើយតបនឹងការទាមទាររបស់បាតុករម៉ាឡេស៊ី និងតាមសំណើរបស់ ក្រុមអ្នកតំណាងរាស្ត្របក្សប្រឆាំង។
នៅក្នុងកិច្ចប្រជុំគណៈរដ្ឋមន្ត្រី ជាលើកចុងក្រោយនៅថ្ងៃអាទិត្យ គឺលោកនាយករដ្ឋមន្ត្រី បានថ្លែងថា នឹងដាក់សំណើលិខិតសុំឈប់ពីមុខនាទី ថ្វាយទៅព្រះមហាក្សត្រ នៅថ្ងៃច័ន្ទ ដើម្បីស្តេចសម្រេចព្រះហឫទ័យ យល់ព្រមឲ្យលោកឈប់ ឬក៏អត់។ គួររម្លឹកថា លោក មូយីដឌីន យ៉ាស៊ីន (Muhyiddin Yassin) ត្រូវតែងតាំងជានាយករដ្ឋមន្រ្តី និងស្បថចូលកាន់ការងារ កាលពីខែមីនា ឆ្នាំមុននេះតែប៉ុណ្ណោះ ៕