រដ្ឋធានីហាណូយ៖ អតីតនាយករដ្ឋមន្រ្ដីវៀតណាម បានធ្វើសច្ចាប្រណិធានឡើងកាន់តំណែង ជាប្រធានាធិបតីវៀតណាម កាលពីព្រឹក ថ្ងៃទី២៦ ខែកក្កដា ក្រោយពេលសភាតំណាងបានបោះឆ្នោតប្រគល់សេចក្ដីទុកចិត្ត ជ្រើសរើសរូបលោកឲ្យកាន់តំណែងកំពូល នៅក្នុងប្រទេសកុម្មុយនីស្ដ នៅតំបន់អាស៊ី-អាគ្នេយ៍ (អាស៊ាន) មួយនេះ។ នេះបើតាមសារព័ត៌មានវៀតណាម VOV ចេញផ្សាយ នៅថ្ងៃទី២៦ ខែកក្កដា។
នៅក្នុងពេលធ្វើសច្ចាប្រណិធានឡើងកាន់តំណែងកំពូលនោះ លោក Nguyen Xuan Phuc ប្រធានាធិបតី បានសច្ចាថា ស្មោះត្រង់ចំពោះបិតុប្រទេសរបស់លោក ប្រជាជន និងរដ្ឋធម្មនុញ្ញរបស់វៀតណាម។ លោកប្រធានាធិបតី បានប្ដេជ្ញាថា លោកនឹងខិតខំប្រឹងប្រែឲ្យអស់ពីសមត្ថភាពរបស់លោក ដែលបក្ស រដ្ឋ និងប្រជាជនប្រគល់ជូន។
លោក ងូយៀន ស៊ឺន ហ៊្វុក (Nguyen Xuan Phuc ) កើត នៅថ្ងៃទី២០ ខែកក្កដា ឆ្នាំ១៩៥៤ នៅក្នុងភាគកណ្ដាល ខេត្ត Quang Nam ។ លោកជាសមាជិកការិយាល័យនយោបាយ នៃអាណត្តិទី១១, ទី១២ និងទី១៣ ហើយជាសមាជិកគណៈកម្មាធិការកណ្តាលបក្ស នៃអាណត្តិទី១០, ទី១១, ទី១២ និងទី១៣ និងជាអនុប្រធានទី១១, ទី១៣ និងទី១៤។
លោក ងូយៀន ស៊ឺន ហ៊្វុក (Nguyen Xuan Phuc ) ធ្លាប់កាន់តំណែងសំខាន់ៗមួយចំនួន រួមមាន លេខាធិការរង នៃគណៈកម្មាធិការបក្សខេត្ត Quang Nam, ប្រធានគណៈកម្មាធិការបក្សខេត្ត Quang Nam, ប្រធានគណៈរដ្ឋមន្រ្ដី មុនពេលបោះឆ្នោតឲ្យក្លាយជាឧបនាយករដ្ឋមន្រ្ដី នៅឆ្នាំ២០១១ និងជានាយករដ្ឋមន្រ្ដី នៅឆ្នាំ២១៦៕
