អ្នករៀបចំព្រឹត្តិការណ៍អូឡាំពិកនេះ បានបញ្ជាក់ប្រាប់សារព័ត៌មានថា មានភ្ញៀវទេសចរណ៍មិនស្គាល់អត្តសញ្ញាណ (សង្ស័យជាអត្តពលិក) បានធ្វើតេស្តរកឃើញវជ្ជមានកូវីដ ១៩ នៅកន្លែងស្នាក់នៅភូមិអត្តពលកម្មអូឡាំពិកទីក្រុងតូក្យូ។
ថ្លែងនៅក្នុងសន្និសីទកាសែតមួយ នាយកប្រតិបត្តិទីក្រុងតូក្យូឆ្នាំ ២០២០ លោក Toshiro Muto បាននិយាយថា”ពួកយើងបានរកឃើញករណីកូវីដ ១៩ លើអ្នកដែលមកចូលរួមក្នុងព្រឹត្តិការណ៍នេះ ក៏ប៉ុន្តែពួកយើងមិនអាចបញ្ចេញអត្តសញ្ញាណបាននោះទេ ដោយអ្នករកគ្រោះទាំងនោះបានស្នើសុំអោយបិតបុាំង”។ 
បច្ចប្បន្ននេះ រកឃើញករណីកូវីដ ១៩ រហូតដល់ ៤៥នាក់ លើអត្តពលិក, ក្រុមគ្រូបង្វឹក និងមន្ត្រីផ្សេងៗ មកពីបណ្តាលប្រទេសផ្សេង។ អូឡាំពិកទីក្រុងតូក្យូនឹងមានអត្តពលិកមិនក្រោម ១១ ០០០នាក់នោះទេ ដោយមកពី ២០៥ប្រទេស ជុំវិញពិភពលោក ក្នុងនោះ ៨៥% នៃអត្តពលិកទាំងនោះបានទទួលការចាក់វ៉ាក់សាំងរួចរាល់ហើយ។
គួរបញ្ជាក់ផងដែរព្រឹត្តិការណ៍អូឡាំពិកទីក្រុងតូក្យូនឹងប្រព្រឹត្តិទៅនៅថ្ងៃទី ២៣ ខែកក្កដា ខាងមុខនេះ៕
ប្រភព: CNN
