តំបន់អេកូទេសចរណ៍ ជីផាត មានទីតាំងស្ថិតនៅ ភូមិជីផាត ឃុំជីផាត ស្រុកថ្មបាំង ខេត្តកោះកុង និងមានចម្ងាយប្រហែល ~១២៥km ពីរង្វង់មូល ខេត្តកោះកុង៕ តំបន់អេកូទេសចរណ៍ ជីផាតស្ថិតនៅក្នុងប្រភេទរមណីយដ្ឋាន ទឹកជ្រោះឬទឹកធ្លាក់, ឧទ្យានជាតិ និងអេកូទេសចរណ៍៕
សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានតំបន់អេកូទេសចរណ៍ ជីផាតដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ ជិះទូក, បោះជំរុំឬបោះតង់, ទស្សនាព្រៃកោងកាង, លេងទឹកឬហែលទឹក, គយគន់ថ្ងៃលិច, មើលសត្វ, រៀបចំអាហារដោយខ្លួនឯង និងចំណុចផ្សេងៗទៀត៕
នៅក្នុងតំបន់ទេសចរណ៍ធម្មជាតិនេះ សំបូរណាស់ទឹកជ្រោះ មើលថ្ងៃរះ ហើយក៏ជាដែនជម្រកសត្វព្រៃ និងព្រៃទឹកភ្លៀងដ៏ធំមួយ ក្នុងតំបន់អាស៊ីអាគ្នេយ៍៕ រមណីយដ្ឋានមួយនេះអាចធ្វើអោយលោកអ្នក បណ្ដែតអារម្មណ៍ទៅនឹងសម្រស់ធម្មជាតិ, ជិះទូកកម្សាន្ត, ស្រូបខ្យល់អាកាស និងស្ដាប់សម្លេងទឹកធ្លាក់ បានយ៉ាងសប្បាយចិត្តបាត់ទុក្ខកង្វល់៕
ចំពោះទេសភាពដ៏ស្រស់ត្រកាលលាតសន្ធឹងតាមដងព្រែកមានទឹកថ្លាឆ្វង់ដូចកញ្ចាក់ព័ទ្ធដោយព្រៃប្រឹក្សាធម្មជាតិគួរឲ្យគយគន់ទើបតំបន់មួយនេះអាចទាក់ទាញភ្ញៀវទេសចរទាំងជាតិ និងអន្តរជាតិយ៉ាងច្រើនកុះករឲ្យទៅកម្សាន្តនៅទីនោះ៕
នៅតំបន់អេកូទេសចរណ៍ ជីផាតនេះមានទឹកជ្រោះជាច្រើនដូចជា: ទឹកធ្លាក់ឆាយខ្ពស់, អូរម្លូរ, ទឹកធ្លាក់ឆាយជ្រៃ និងទឹកធ្លាក់អូរទឹកវេទ៕ សហគមន៍អេកូទេសចរណ៍ជីផាត ត្រូវបានបង្កើតឡើងតាំងពីឆ្នាំ២០០៧ ក្នុងគោលបំណងចូលរួមថែរក្សាការពារបរិស្ថាន ធនធានធម្មជាតិ ព្រៃឈើ និងសត្វព្រៃជាដើម៕
