បរទេស៖ ក្នុងរយៈពេល២៤ម៉ោងកន្លងមកនេះ បណ្ដាប្រទេស ចំនួន១០ នៅតំបន់អាស៊ាន មានតែប្រទេស១ប៉ុណ្ណោះ មិនមានករណីឆ្លងថ្មី នៃកូវីដ-១៩ ប៉ុន្ដែប្រទេសចំនួន៩ផ្សេងទៀត នៅក្នុងតំបន់នេះ មានករណីឆ្លងថ្មី នៃកូវីដ-១៩ សរុបជាង១,៤ម៉ឺននាក់។
បើតាមគេហទំព័រ WORLDOMETER បានចេញផ្សាយ នៅវេលាម៉ោង៩ព្រឹក ថ្ងៃទី១៨ ខែកុម្ភៈ ឆ្នាំ២០២១ថា ករណីឆ្លងថ្មី នៅក្នុងតំបន់អាស៊ាន មានចំនួន ១៤ ១០៩នាក់ និងករណីស្លាប់ថ្មី ចំនួន២៦៧នាក់ ធ្វើឲ្យចំនួនអ្នកឆ្លងសរុប ២ ២៩៨ ៧៤៧នាក់ ស្លាប់ ៤៩ ៧១១នាក់ អ្នកជាសះស្បើយ ២ ០០៦ ០៥១ និងអ្នកកំពុងសម្រាកព្យាបាល ចំនួន ២៤២ ៩៨៥នាក់ ហើយក្នុងនោះមានអ្នកឈឺធ្ងន់ ១ ០១៩នាក់។
ឥណ្ឌូនេស៊ី នៅតែជាប្រទេស មានអ្នកឆ្លងជំងឺកូវីដច្រើនជាងគេបំផុត នៅក្នុងតំបន់អាស៊ាន។ ប្រទេសនេះមានអ្នកឆ្លងថ្មី ចំនួន ៩ ៦៧៨នាក់ និងករណីស្លាប់ថ្មី ១៩២នាក់ ធ្វើឲ្យប្រទេសនេះ មានអ្នកឆ្លងសរុប ១ ២៤៣ ៦៤៦នាក់ ស្លាប់ ៣៣ ៧៨៨។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១ ០៤៧ ៦៧៦នាក់ និងអ្នកជំងឺ ១៦២ ១៨២នាក់ កំពុងសម្រាកព្យាបាល។
ហ្វីលីពីន មានអ្នកឆ្លងថ្មី ១ ១៨៤នាក់ និងករណីស្លាប់ថ្មី៥៣នាក់ ធ្វើឲ្យចំនួនអ្នកឆ្លងសរុប ៥៥៣ ៤២៤នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥១២ ០៣៣នាក់ និងអ្នកជំងឺចំនួន ២៩ ៨១៤នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ ៧៨៦នាក់។
ម៉ាឡេស៊ី មានអ្នកឆ្លងថ្មី ២ ៩៩៨នាក់ និងករណីស្លាប់ថ្មី ២២នាក់ ធ្វើឲ្យប្រទេសនេះ មានអ្នកឆ្លងសរុប ២៧២ ១៦៣នាក់ និងស្លាប់ ១ ០០៥នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២២៩ ៧៦២នាក់ និងអ្នកជំងឺ៤១ ៣៩៦នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ ២៣១នាក់។
មីយ៉ាន់ម៉ា (ភូមា) មានអ្នកឆ្លងថ្មី ៣១នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ១៤១ ៦៩០នាក់ និងស្លាប់ ៣ ១៩២នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១៣០ ៩៤៤នាក់ និងអ្នកជំងឺចំនួន ៧ ៥៥៤នាក់ផ្សេងទៀតកំពុងសម្រាកព្យាបាល។
សិង្ហបុរី មានអ្នកឆ្លងថ្មី ១១នាក់ តែមិនមានករណីស្លាប់ថ្មីដែរ។ ប្រទេសនេះ មានអ្នកឆ្លងកូវីដ-១៩ សរុប ៥៩ ៨២១នាក់ និងស្លាប់២៩នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥៩ ៦៧៦នាក់ និងអ្នកជំងឺចំនួន១១៦នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
ថៃមានអ្នកឆ្លងថ្មី ១៧៥នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ២៤ ៩៦១នាក់ និងស្លាប់ ៨២នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២៣ ៦៩៧នាក់ និងអ្នកជំងឺ ១ ១៨២នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
វៀតណាម មានអ្នកឆ្លងថ្មី១៨នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ២ ៣២៩នាក់ និងស្លាប់៣៥នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១ ៥៧៤នាក់ និងអ្នកជំងឺ ៧២០នាក់ផ្សេងទៀត កំពុងសម្រាកព្យាបាល។
កម្ពុជា មានអ្នកឆ្លងថ្មី៤នាក់ មិនមានករណីស្លាប់ ហើយកម្ពុជាមានអ្នកឆ្លងកូវីដសរុប ៤៨៣នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៤៧០នាក់ និងអ្នកជំងឺចំនួន១៣នាក់ផ្សេងទៀត កំពុងសម្រាកព្យាបាល នៅក្នុងមន្ទីរពេទ្យរបស់រដ្ឋ។
ប្រ៊ុយណេ មានអ្នកឆ្លងឆ្លងថ្មីម្នាក់ តែមិនមានករណីស្លាប់ថ្មី ហើយយប្រទេសនេះមានអ្នកឆ្លងសរុប ១៨៥នាក់ ស្លាប់៣នាក់។ ក្នុងចំណោមអ្នកជំងឺទាំងនោះ មានអ្នកព្យាបាលជាសះស្បើយ ១៧៨នាក់ និងអ្នកជំងឺ៤នាក់ កំពុងសម្រាកព្យាបាល។
ឡាវមិនមានករណីឆ្លងថ្មី និងមិនមានករណីស្លាប់ ហើយប្រទេសនេះមានអ្នកឆ្លង សរុប៤៥នាក់ ប៉ុន្ដែមានអ្នកព្យាបាលជាសះស្បើយ ៤១នាក់ និងអ្នកជំងឺចំនួន៤នាក់កំពុងសម្រាកព្យាបាល៕
