រាជធានីភ្នំពេញ៖ សម្តេចតេជោ ហ៊ុន សែន បានថ្លែងឲ្យដឹងថា អណ្តូងប្រេងរបស់កម្ពុជា ដែលជាអណ្តូងប្រេងទី១ មានឈ្មោះថា AO1D គឺផលិតបានចំនួន ១២៣៦ (មួយពាន់ពីររយសាមសិបប្រាំមួយ) បារ៉ែល ក្នុងមួយថ្ងៃ ហើយបើគិតមកដល់ថ្ងៃនេះគឺមានរយៈពេល៣៣ថ្ងៃ ការបូមប្រេងនៃអណ្តូងទី១នេះ យើងទទួលបានប្រេងចំនួន ៤០៧៨៨ (បួនម៉ឺន ប្រាំពីររយ ប៉ែតសិបប្រាំបី) បារ៉ែល។
សម្ដេច ហ៊ុន សែន បានថ្លែងបែបនេះនាព្រឹកថ្ងៃ០៤រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០១ ខែកុម្ភៈ ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែង និងសម្ពោធរោងចក្រប្រព្រឹត្តកម្មទឹកស្អាតចំការមន ដែលប្រព្រឹត្តទៅនៅខណ្ឌជ្រោយចង្វា រាជធានីភ្នំពេញ ៕