ខេត្តមណ្ឌលគិរី៖ កាលពីរសៀលថ្ងៃទី២០ ខែតុលា ឆ្នាំ២០២០ នេះ មានករណីអគ្គិភ័យបានឆាបឆេះផ្ទះបងប្អូនប្រជាពលរដ្ឋ មួយកន្លែងស្ថិតនៅ ភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគីរី។
យោងតាមប្រភពព័ត៌មានបឋមដែលទទួលបានពេលនេះគឺបណ្តាលមកពីឆ្លងចរន្តអគ្គិសនី ហើយផ្ទះដែលរងការឆាបឆេះនោះត្រូវបានគេស្គាល់ថាជា ផ្ទះរបស់កីឡាករ សារី តៃម៉ូ ដែលជាយុវជនឆ្នេីមរបស់ក្រុមយុវជនបឹងកេត។
តាមការសង្កេតជាក់ស្ដែងរួមទាំងការបង្ហោះបំភ្លឺរបស់កីឡាករ សារី តៃម៉ូ បានឲ្យដឹងថា នៅក្នុងផ្ទះសុទ្ធសឹងតែជាគ្រឿងសង្ហារឹមធ្វើពីឈើ ដែលត្រូវបានអគ្គីភ័យលេបប្រាក់ខ្ទេចស្ទើរតែទាំងស្រុង ដោយមានសំភារៈតិចតួចបំផុតត្រូវជញ្ជូនយកចេញដោយសុវត្ថិភាព ៕