ភ្នំពេញ៖ ក្រោយមានមន្ទិលសង្ស័យមិនឈប់ឈរនោះ និងមានការលើកឡើងជាច្រើនដែលធ្វើឲ្យកំពូលតារាចម្រៀងប្រចាំព្រះរាជាណាចក្រកម្ពុជា លោក ពា្រប សុវត្ថិ សម្រេចចាកចេញពីផលិតកម្មរស្មីហង្សមាស ទៅកាន់ផលិតកម្ម Galaxy Navatra ពេលនេះលោកបានបញ្ជាក់មូលហេតុច្បាស់ហើយពីការចាកចេញនេះ។
នាល្ងាចថ្ងៃទី២៥ ខែសីហា ឆ្នាំ ២០២០ នៅក្នុងកម្មវិធីទទួលស្វាគមន៍ វត្តមានកំពូលតារាចម្រៀងព្រាប សុវត្ថិ មកកាន់ក្រុមហ៊ុនចម្រៀង Galaxy Navatra ដែលរៀបចំធ្វើឡើងនៅសណ្ឋាគារហ្គាឌិនស៊ីធី (Gardent City Hotel) ជិតវិមានឈ្នះៗ ទល់មុខស្ថានីយ៍ទូរទស្សន៍ PNN លោកបានបញ្ជាក់ពីមូលហេតុយ៉ាងច្បាស់ៗប្រាប់ទៅដល់អ្នកចូលរួម ក៏ដូចជាអ្នកសារព័ត៌មានទាំងអស់ឲ្យបានដឹងថាមានចំនុច២ ដែលធ្វើឲ្យលោកសម្រេចចាកចេញពីទ្រនំចាស់៖ «ចំនុចទី១ គឺគោលដៅជីវិត និងគោលបំណងថ្មី ដែលជាសេចក្ដីត្រូវការរបស់លោក និងចំនុចទី២ គឺលោកចង់ទទួលបានបទពិសោធន៌ថ្មី ក្រោយជោគជ័យនៅទ្រនំចាស់អស់រយៈពេល២៣ឆ្នាំ» ។
គួរជម្រាបដែលថា លោក ពា្រប សុវត្ថិ នឹងចុះកុងត្រាជាមួយផលិតកម្ម Galaxy Navatra ក្នុងរយៈពេល៥ឆ្នាំ ៕
