ទីក្រុងហ្សូរិច ៖ អង្គការសុខភាពពិភពលោក (WHO) បាននិយាយថា ក្មេងដែលមានអាយុចាប់ពី១២ឆ្នាំឡើងទៅគួរតែពាក់ម៉ាស់ដើម្បីជួយការពារជំងឺរាតត្បាត Covid-19 ក្នុងស្ថានភាពដូចគ្នានឹងមនុស្សពេញវ័យ រីឯកុមារអាយុពី៦ទៅ១១ឆ្នាំគួរតែពាក់ម៉ាស់ជាប្រចាំដើម្បីការពារខ្លួនចៀងវាងមានហានិភ័យ Covid-19 ។ នេះបើយោងតាមប្រភពពីទីភ្នាក់ងារ Reuters ដែលបានចេញផ្សាយនៅថ្ងៃទី២៣ ខែសីហា ឆ្នាំ២០២០ នេះ ។
អង្គការសុខភាពពិភពលោក (WHO) និងអង្គការមូលនិធិកុមាររបស់អង្គការសហប្រជាជាតិ (UNICEF) បាននិយាយនៅក្នុងឯកសារមួយនៅលើគេហទំព័ររបស់អង្គការសុខភាពពិភពលោកថា ក្មេងដែលមានអាយុចាប់ពី១២ឆ្នាំឡើងទៅគួរពាក់ម៉ាសជាពិសេសនៅគម្លាតចម្ងាយមួយម៉ែត្រពីអ្នកដទៃដើម្បីកុំឱ្យឆ្លងជំងឺ Covid-19 ។
អង្គការសុខភាពពិភពលោកបានណែនាំឱ្យប្រជាជនពាក់ម៉ាស់នៅទីសាធារណៈដើម្បីជួយកាត់បន្ថយការរីករាលដាលនៃជំងឺនេះ ប៉ុន្តែពីមុនមិនបានចេញការណែនាំជាក់លាក់សម្រាប់កុមារនោះទេ ។
សូមបញ្ជាក់ផងដែរថា មនុស្សជាង២៣លាននាក់ត្រូវបានគេរាយការណ៍ថា បានឆ្លងវីរុស Covid-19 នៅទូទាំងពិភពលោកចាប់តាំងពីវាត្រូវបានគេរកឃើញដំបូងនៅក្នុងប្រទេសចិនហើយមនុស្ស ៧៩៨.៩៩៧ នាក់បានស្លាប់ ៕
ប្រភព ៖ Reuters , ដោយ ៖ សំណាង
