ថ្មីៗនេះប្រទេសប៉ាគីស្ថានបានទទួលថវិកាចំនួន១ពាន់លានដុល្លារពីធនាគារពិភពលោក និង៥០០លានដុល្លារទៀតពីធនាគារអភិវឌ្ឍន៍អាស៊ីដើម្បីជួយប្រទេសនេះក្នុងការប្រយុទ្ធប្រឆាំងនឹងការរាតត្បាតវីរុស Covid-9 ។ នេះបើយោងតាមប្រភពពីទីភ្នាក់ងារសារព័ត៌មាន Sputnik ដែលបានចេញផ្សាយកាលពីថ្ងៃទី៣០ ខែមិថុនា ឆ្នាំ២០២០ កន្លងទៅថ្មីៗនេះ ។
ធនាគាររដ្ឋនៃប្រទេសប៉ាគីស្ថានបានទទួលប្រាក់ចំនួន១,៣ពាន់លានដុល្លារដែលជាការផ្តល់ប្រាក់កម្ចីពីធនាគារចិនដែលជាមូលនិធិធំទីបីរបស់ខ្លួនពីប្រទេសចិនក្នុងរយៈពេលតែមួយសប្តាហ៍ប៉ុណ្ណោះ ។ កាលពីដើមខែនេះធនាគារអភិវឌ្ឍន៍អាស៊ីបានអនុម័តប្រាក់កម្ចីចំនួន២ ដែលមានទំហំទឹកប្រាក់ ៥០០ លានដុល្លារដើម្បីគាំទ្រដល់តម្រូវការបន្ទាន់របស់រដ្ឋាភិបាលប៉ាគីស្ថានដើម្បីការពារកិត្តិយសសង្គមពីការដោះបំណុលដែលជំពាក់គេ និងសេដ្ឋកិច្ចដែលកំពុងធ្លាក់ចុះ ។
បំណុលខាងក្រៅរបស់ប៉ាគីស្ថានបានកើនឡើងដល់ ១០៩,៩ ពាន់លានដុល្លារក្នុងខែមីនា ឆ្នាំ២០២០ នេះ ។ ធនាគារពិភពលោកប៉ាន់ប្រមាណថា ការនាំចូល និងការនាំចេញរបស់ប្រទេសប៉ាគីស្ថាននឹងថយចុះដល់ ១,៩ ភាគរយ នៅឆ្នាំ២០២០ ដោយសារតែវិបត្តិ Covid-19 ធ្វើឲ្យការនាំចូលធ្លាក់ចុះ ។
ខណៈដែលជំងឺរាតត្បាត Covid-19 បានប៉ះពាល់ដល់កំណើនរបស់ប៉ាគីស្ថាននៅដំណាក់កាលដ៏សំខាន់ក្នុងការស្តារម៉ាក្រូសេដ្ឋកិច្ចរបស់ខ្លួន គណនីបច្ចុប្បន្នរបស់ប្រទេសនេះមានអតិរេក (ច្រើនលើស) ១៣លានដុល្លារក្នុងខែឧសភា ធៀបនឹងខែមេសា មាន៥៣០លានដុល្លារ និង ១,០០៤ លានដុល្លារកាលពីខែឧសភា ឆ្នាំក្នុងឆ្នាំ២០១៩ ។
កាលពីសប្តាហ៍មុនប្រទេសប៉ាគីស្ថានបានចុះហត្ថលេខាលើកិច្ចព្រមព្រៀងវិនិយោគចំនួន ២,៤ ពាន់លានដុល្លារជាមួយប្រទេសចិនសម្រាប់គម្រោង Kohala Hydel Power Project ដែលជាគម្រោងទាក់ទងទៅនឹងហេដ្ឋារចនាសម្ព័ន្ធដែលត្រូវបានបង្កើតឡើងដោយប្រធានាធិបតីចិនលោក ស៊ី ជីនពីង ដែលជាផ្នែកមួយនៃគំនិតផ្តួចផ្តើមខ្សែក្រវ៉ាត់ និងផ្លូវពង្រីករបស់ទីក្រុងប៉េកាំង ។ គម្រោងនេះកំពុងត្រូវបានសាងសង់នៅលើដងទន្លេជែលមឹម នៅតំបន់កាស្មៀរ នៃប្រទេសប៉ាគីស្ថាន ផងដែរ ៕