ភ្នំពេញ៖ កាលពីពេលថ្មីៗនេះ ក្រសួងសាធារណការ និងដឹកជញ្ជូន បានបញ្ជាក់ និងក្រើនរំឮកជាថ្មីម្តងទៀត ពីសេចក្តីណែនាំ “ការផ្ទេរកម្មសិទ្ធិយានយន្ត ដែលរកម្ចាស់ដើមមិនឃើញ” ដល់បងប្អូនប្រជាពលរដ្ឋ ដែលកំពុងកាន់កាប់យានយន្ត ទិញលក់តៗគ្នារកម្ចាស់ដើមមិនឃើញ ត្រូវដាក់ពាក្យស្នើសុំផ្ទេរកម្មសិទ្ធិយានយន្ត ឱ្យបានមុនថ្ងៃទី ៣០ ខែ មិថុនា ឆ្នាំ ២០២០ ខាងមុខនេះ។
ហើយជាមួយគ្នានេះដែរ លោកស្រី ម៉ែន ច័ន្ទសុកុល ប្រធាននាយកដ្ឋានដឹកជញ្ជូនផ្លូវគោក បានអំពាវនាវ ដោយលើកទឹកចិត្តម្ចាស់យានយន្តទាំងអស់ពេលទិញរថយន្តត្រូវកាត់ឈ្មោះឱ្យបានត្រឹមត្រូវ ដើម្បីក្លាយខ្លួនជាម្ចាស់កម្មសិទ្ធិពេញលេញ ស្របតាមផ្លូវច្បាប់ ហើយបើករណីបាត់បង់ឯកសារដូចជា ប័ណ្ណសម្គាល់យានយន្ត ផ្លាកលេខសម្គាល់យានយន្ត ម្ចាស់បច្ចុប្បន្នគ្មានសិទ្ធិស្នើសុំធ្វើឯកសារឡើងវិញទេ លុះត្រាណាម្ចាស់ដើមទើបមានសិទ្ធិស្នើសុំបាន។
ដោយឡែកនៅក្នុងថ្ងៃនេះដែរអង្គភាពសារព័ត៌មាន “KBN” នឹងធ្វើការណែនាំពីគុណវិបត្តិនៃការមិនកាត់ឈ្មោះយានយន្ដ៖
១. ប្រសិនបើមានគ្រោះថ្នាក់ចរាចរណ៍ ឬយករថយន្តទៅប្រព្រឹត្តិបទល្មេីសផ្សេងៗម្ចាស់ដេីមនឹងត្រូវជាប់ការស៊េីបអង្កេតរបស់សមត្ថកិច្ច។
២. ពេកបាត់បង់ឯកសារដូចជា ប័ណ្ណសម្គាល់យានយន្ត ផ្លាកលេខសម្គាល់យានយន្ត ម្ចាស់បច្ចុប្បន្នគ្នានសិទ្ធស្នេីសុំធ្វេីឯកសារទាំងអស់នោះឡើងវិញទេ លុះត្រាណាម្ចាស់ដេីមទេីបមានសិទ្ធស្នេីសុំ។
៣. ករណីបាត់បង់រថយន្ត ម្ចាស់បច្ចប្បន្នក៏គ្មានសិទ្ធប្ដឹងផ្ដល់នោះដែរ លុះត្រាណាម្ចាស់ដេីមទេីបច្បាប់ទទួលស្គាល់ជាផ្លូវការ។
៤. បេីត្រូវលក់បន្តទៀតម្ចាស់បច្ចុប្បន្នគ្មានសិទ្ធកាត់ឈ្មោះឲ្យទៅអ្នកទិញបន្តនោះទេ។
៥. ម្ចាស់ដើមនៅតែមានសិទ្ទិស្របច្បាប់លើយានយន្តនោះ។
៦. ម្ចាស់ដើមមានសិទ្ធគ្រប់ពេលក្នុងការប្តឹងសមត្ថកិច្ចថារថយន្តរបស់ខ្លួនត្រូវចោរលួចបាត់ ៕
