ភ្នំពេញ៖ កាលពីពេលថ្មីៗនេះ មហាជនដែលនិយមលេងបណ្ដាញសង្គមហ្វេសប៊ុកជាច្រើននាក់បានផ្ទុះចំណាប់អារម្មណ៍ទៅលើសារមួយដែលបង្ហោះដោយគណនីហ្វេសប៊ុកឈ្មោះ Aok Bony ។ យោងតាមអត្ថន័យនៃសារដែលបានបង្ហោះកាលពីថ្ងៃទី២២ ខែមិថុនា ចេញពីគណនីហ្វេសប៊ុកមួយនេះ បានបង្ហាញថា អ្នកនាង ឱក សុគន្ធកញ្ញា តារាចម្រៀងស្រីជួរមុខប្រចាំប្រទេសកម្ពុជា មិនទទួលស្គាល់ឪពុកបង្កើតរបស់ខ្លួនឡើយ ។
គណនីហ្វេសប៊ុក Aok Bony ក៏បានភ្ជាប់មកនូវរូបថត ព្រមជាមួយសារផងដែរ ដែលមានខ្លឹមសារទាំងស្រុងថា «ទោះជាកូនមិនស្គាល់ឪ ក៏ឪនៅតែចាំឈ្មោះកូនដែរ ព្រោះឪអ្នកដាក់ឲ្យ» ការបង្ហោះសារបានបញ្ជាក់ពីការត្អូញត្អែរក្នុងនាមជាឪពុក ទៅកាន់កូនស្រី។
សូមបញ្ជាក់ថា ជុំវិញករណីនេះ ដូចជាពុំឃើញមានប្រត្តិកម្មណាមួយពីសំណាក់តារាចម្រៀង ឱក សុគន្ធកញ្ញា ឡើយ តែចំពោះមហាជនវិញ នៅតែមានចម្ងល់យ៉ាងខ្លាំង និងចង់ដឹងថា តើការរៀបរាប់របស់ម្ចាស់គណនីហ្វេសប៊ុក Aok Bony ជាការពិតឬអត់?
ប្រភព៖ FB/Aok Bony
