ក្លិបយក្សអ៊ីតាលី Juventus មួយនេះមានកីឡាករមួយចំនួនត្រូវបានរកឃើញឆ្លងជំងឺកូវីដ១៩ក្នុងនោះមានដូចជា ខ្សែការពារ Daniele Rugani គឺជាកីឡាករដំបូងគេរបស់ក្លិបនេះដែលត្រូវបានបញ្ជាក់ថា បានឆ្លងវីរុសកូវីដ១៩កាលពីថ្ងៃទី១៣ ខែមីនា ឆ្នាំ២០២០ កន្លងមកនេះ ។
កីឡាករអ៊ីតាលី វ័យ២៥ឆ្នាំ រូបនេះត្រូវបានក្លិបបញ្ជាក់ថា គ្មានចេញអាការៈណាមួយបញ្ជាក់នោះឡើយ ប៉ុន្តែត្រូវបានរកឃើញឆ្លងវីរុសកូវីដ១៩ក្រោយធ្វើតេស្ត ។ ៤ថ្ងៃក្រោយមកក្លិបសេះបង្កង់ប្រកាសថា ខ្សែបម្រើសញ្ជាតិបារាំងរបស់ក្លិបនេះកីឡាករ Blaise Matuidi ក្លាយជាកីឡាករទីពីររបស់ក្លិបដែលបានឆ្លងវីរុសកូវីដ១៩ ។
ក្រៅពីកីឡាករពីររូបនេះ កីឡាករក្លិបសេះបង្កង់ដទៃទៀត ក៏ត្រូវបានធ្វើតេស្តរកឃើញឆ្លងវីរុសកូរ៉ូណាដែរមានដូចជា ខ្សែប្រយុទ្ធសញ្ជាតិអាហ្សង់ទីន Paulo Dybala (និងមិត្តស្រីរបស់គេ) ។ ការរកឃើញកីឡាករមួយចំនួនឆ្លងវីរុសដ៏រាតត្បាតបែបនេះ វាជាដំណឹងដ៏តក់ស្លុតមួយវាយប្រហារសមាជិកក្រុម Juventus ដទៃទៀត ដូចជា ខ្សែប្រយុទ្ធសញ្ជាតិព័រទុយកាល់ Cristiano Ronaldo ជាដើម ៕