ភ្នំពេញ៖ ជាការពិតណាស់ជីវិតស្រ្ដីដែលត្រូវប្ដីគ្មានទំនួលខុសត្រូវរត់ចោលតាំងពីកូននៅក្នុងពោះពិតជាលំបាកវេទនា រស់នៅខ្វះមុខខ្វះក្រោយគ្មានលំនឹងជីវិតច្បាស់លាស់ក្នុងជីវិត ហើយជាពិសេសត្រូវចេញទៅរកលុយមកចិញ្ចឹមខ្លួនជាមួយកូន ដោយត្រូវដឹកកូនទៅជាមួយមើលទៅពិតជាអាណិតអាសូរណាស់។
ជាក់ស្ដែងយោងតាមប្រភពព័ត៌មានគណនីហ្វេសប៊ុករបស់បងស្រីឈ្មោះ Mi Yura បានបង្ហោះនូវរូបភាពប៉ុន្មានសន្លឹកព្រមទាំងបានសរសេររៀបរាប់ថា៖«បងប្អូនខ្មែរយើងសូមជួយគាត់ផង ខ្ញុំឃើញផ្ទាល់ភ្នែកខ្លោចចិត្តណាស់ក្នុងនាមជាស្ត្រីដូចគ្នា បីកូនខ្ចីធាក់កង់ដើររើសអេតចាយ សំបកដបតាមផ្លូវ ទាំងកូននៅមឹមដោះ នឹងកូនបងៗនៅផ្ទះ ខ្ញុំសួរទីតាំងគាត់បានខ្លះ គាត់ឈ្មោះចែថន នៅខាងភូមិគោកសង្កែ ប្តីរត់ចោលតាំងពីកូននៅក្នុងពោះ ជីវភាពគាត់រាល់ថ្ងៃយើងមើលដឹងហើយកំសត់ណាស់យកទាំងកូនមកដើររើសទាំងក្តៅរហាល ធ្វើបុណ្យធ្វើទាន ចែកលុយរបស់ហូបមនុស្សនៅមានដង្ហើម បានបុណ្យណាស់បងប្អូន» ៕
ដូច្នេះហើយប្រសិនជាបងប្អូនខ្មែរយើងទាំងអស់ឃើញនូវព័ត៌មានមួយនេះហើយ បងប្អូនមានបំណងចង់ជួយឧបត្ថម្ភបងស្រីអាចទាក់ទងទៅបងស្រីដែលជាម្ចាស់គណនីហ្វេសប៊ុកដោយផ្ទាល់ ៕