បរទេស៖ រដ្ឋមន្រ្តីក្រសួងសុខាភិបាលជប៉ុន លោក Katsunobu Kato បាននិយាយថា នៅយប់ថ្ងៃព្រហស្បតិ៍ ទី១៣ កុម្ភៈនេះ បានបញ្ជាក់ករណីស្លាប់ព្រោះជំងឺ COVID-19 លើកដំបូងរបស់ខ្លួន។
លោក Katsunobu Kato បានប្រាប់សន្និសីទសារព័ត៌មានថា ជនរងគ្រោះជាស្ត្រី អាយុ៨០ឆ្នាំ រស់នៅក្នុងខេត្ដក្នុងខេត្ត Kanagawa ដែលមានព្រំដែនជាប់ក្រុងតូក្យូ ។
លោកបាន អះអាងទៀតថា៖«ទំនាក់ទំនងរវាងកូរ៉ូណាវីរុសប្រភេទថ្មី និងការស្លាប់របស់មនុស្សម្នាក់នេះ គឺនៅតែមិនទាន់ច្បាស់។ ក៏ប៉ុន្តែ នេះគឺជាស្លាប់លើកទី១របស់មនុស្សដែលបានធ្វើតេស្តវិជ្ជមាន»។ នេះបើយោងតាមការចុះផ្សាយរបស់សារព័ត៌មាន CNA ដែលបានចុះផ្សាយកន្លះម៉ោងមុននេះ។
គួរបញ្ជាក់ដែលថា ជប៉ុន គឺជាប្រទេសទី២ហើយ ដែលបានរកឃើញករណីស្លាប់ព្រោះជំងឺផ្លូវដង្ហើមបង្កឡើងដោយកូរ៉ូណាវីរុសប្រភេទថ្មី (COVID-19) ៕
ប្រភព៖ CNA