តូក្យូ ៖ គិតត្រឹមរសៀលថ្ងៃទី១៣ កុម្ភៈ ២០២០នេះ ក្រុមជំនាញវេជ្ជសាស្ត្រជប៉ុន បានរកឃើញអ្នកឆ្លងវីរុសកូរ៉ូណា COVID-19 ចំនួន៤៤ករណីបន្ថែមទៀត នៅលើនាវាកម្សាន្ត ខ្នាតយក្សមានឈ្មោះថា ដាយមិនដ៍ព្រីនសេស (Diamond Princess) ពោលគឺ ចំនួនអ្នកឆ្លងនៅលើនាវានេះ សរុបកើនឡើងដល់ ២១៨នាក់ហើយ នេះបើតាមការចេញផ្សាយ japantimes ។
ក្នុងចំណោមអ្នកឆ្លងមេរោគកូវីដ COVID-19 ចំនួន៤៤នាក់បន្ថែមនោះ មានជនជាតិជប៉ុនចំនួន ២៩នាក់ ជនជាតិផ្សេងទៀត ១៥នាក់ ពោលគឺ៤៣នាក់ ជាអ្នកដំណើរ និង ម្នាក់ទៀត គឺជាកងនាវិក ។
សូមជម្រាបថា នាវាកម្សាន្ត ខ្នាតយក្ស Diamond Princess ដែលផ្ទុកអ្នកដំណើរ និងនាវិក សរុបជាង ៣,៧០០នាក់ ជាកម្មសិទ្ធិរបស់ក្រុមហ៊ុនអាមេរិក ត្រូវឃាត់ទុកនៅកំពង់ផែ ទីក្រុងយ៉ូកូហាម៉ា ប្រទេសជប៉ុន កាលពីថ្ងៃទី៣ កុម្ភៈ ដើម្បីពិនិត្យតាមដានរយៈពេលពីរសប្តាហ៍ ក្រោយអតីតអ្នកដំណើរម្នាក់លើនាវានោះ ដែលបានចុះនៅទីក្រុងហុងកុង ត្រូវបានធ្វើតេស្តរកឃើញថា មានផ្ទុកវីរុស COVID-19 ៕