បរទេស៖ កាលពីព្រឹកថ្ងៃទី១៤ ខែធ្នូ ឆ្នាំ២០១៩ ប៉ូលីសក្រុងបាងកក បានបង្ហើបឲ្យដឹងថា ករណីលោកថាណាថន(Thanathorn Juamgroongruangkit) ជាមេដឹកនាំគណបក្សអនាគតថ្មី(Future Forward Party) បានណាត់អ្នកគាំទ្រចូលរួមប្រជុំនៅកណ្ដាលទីក្រុងបាងកក ដោយពុំមានការជូនដំណឹងដល់អាជ្ញាធរប៉ូលីសក្រុងឡើយ។ ប់ូលីសក្រុងបាងកកបានចូលទៅរក្សាសណ្ដប់ធ្នាប់ ភាពរៀបរយក្នុងក្រុង តែប្រសិនបើមានអ្វីខុសច្បាប់ដែលបានកំណត់ ក្រុមប៉ូលីសនឹងចាត់ការតាមផ្លូវច្បាប់ភ្លាមៗ ដោយគ្មានប្រការលើកលែងឡើយ។
ចំពោះការជួបជុំគ្នានេះធ្វើឡើងបន្ទាប់ពីលោកថាណាថន ដែលជាអ្នកដឹកនាំបក្សប្រឆាំងដ៍មានប្រជាប្រិយភាពមួយនេះបានបង្ហោះសារតាមរយៈបណ្ដាញសង្គមហ្វេសប៊ុកគណនីផ្ទាល់ខ្លួនថា “អ្នកគាំទ្រជំនុំគ្នា ព្រោះតែសម្លេងដែលប្រជាពលរដ្ឋបានជ្រើសរើសនោះពុំមានប្រសិទ្ធភាពក្នុងសភា ដល់ពេលដែលប្រជាពលរដ្ខចេញមកប្រើប្រាស់សម្លេងខ្លួនហើយ កំណត់ពេលវេលាម៉ោង១២ៈ០០ ដល់ ម៉ោង១៩ៈ០០”។
គួរបញ្ជាក់ផងដែលថា គណបក្សដ៏ល្បីឈ្មោះមួយនេះត្រូវបានគណៈកម្មាធិការជាតិរៀបចំការបោះឆ្នោតរបស់ថៃ ប្រកាសកាលពីម្សិលមិញថា «គណបក្សអនាគតថ្មី»អាចត្រូវរំលាយដោយសារតែលោក ថាណាថន បានផ្តល់កម្ចីទៅឱ្យគណបក្សចំនួន៨លាន៦សែនដុល្លារ ៕
