បរទេស៖ មានរឿងរ៉ាវចម្លែកមួយដែលមិនគួរឲ្យជឿបានកើតឡើងនៅក្នុងប្រទេសចិន នៅពេលដែលបុរសវ័យ២៤ឆ្នាំម្នាក់ មានអាការៈឈឺនៅត្រង់ត្រចៀករបស់គេយ៉ាងខ្លាំង ខណៈពេលដែលរូបគេបានគេងលក់យ៉ាងស្កប់ស្កល់នៅក្នុងក្រុមហ៊ុនយ៉ាង ខេត្តក្វាងតុង ភាគខាងត្បូងប្រទេសចិន។
បន្ទាប់ពីបញ្ចូនអ្នកជំងឺទៅមន្ទីរពេទ្យ ក្រុមគ្រូពេទ្យក៏បានធ្វើការពិនិត្យហើយបានប្រទះឃើញសត្វរុយ នឹងកូនរុយចំនួន២ក្បាលក្នុងត្រចៀក ព្រមទាំងមានពងចំនួន៤០គ្រាប់នៅក្នុងត្រចៀកទៀតផង។
បើតាមការសាកសួររកមូលហេតុ បុរសនោះបានប្រាប់ថារូបខ្លួនចូលចិត្តយកនំ ចំនីមកបរិភោគនៅលើគ្រែជាប្រចាំ ដែលជាហេតុធ្វើឲ្យមានសត្វល្អិតគ្រប់ប្រភេទ ជាពិសេសរុយ ចូលមករស់នៅជាមួយរហូតដល់ពីមួយទៅមួយថ្ងៃសត្វរុយក៏បានចូលមកពងក្នុងត្រចៀកដោយមិនដឹងខ្លួន បង្កឲ្យមានការឈឺចាប់បែបនេះ។ នេះគឺជាមេរៀនមួយសម្រាប់អ្នកដែលចូលចិត្តប្រព្រឹត្តិបែបនេះ គួរតែកែរទម្លាប់អាក្រក់នេះចេញ ចៀសវាងមានបញ្ហាដូចខាងលើ ៕
