ការលាយដីឲ្យបានល្អ វាមានប្រយោជន៍ និងជួយដល់ដំណាំរបស់កសិករឲ្យលូតលាស់បានល្អ។ ម្យ៉ាងវិញទៀត ការលាយដី មានជីជាតិនៅស្រទាប់ខាងលើ ដែលមានជាតិមមោក និងសារធាតុសរីរាង្គ រួមទាំងសារធាតុចិញ្ចឹមនៅក្នុងដី។ ដើម្បីលាយដីដាំដំណាំឲ្យបានល្អ គេត្រូវការដីដែលមានជីជាតិ, ធ្យូងអង្កាម និងជីធម្មជាតិ។
*វិធីលាយ ៖
– យកដីចំនួន២ភាគ លាយជាមួយជីលាមកសត្វគោក (លាមកគោ) ចំនួន១ភាគ ផេះអង្កាម៤ទៅ៦ភាគ (ផេះអង្កាមត្រូវត្រាំទឹករយៈពេល៣ ទៅ៤យប់) ឬអាចលាយជាមួយមមោគ ឬស្រីដូងចិញ្ច្រាំឱ្យម៉ដ្ឋចំនួន១ភាគ ។
– យកល្បាយដែលមាន លាយច្របល់ជាមួយគ្នា ហើយយកទៅលីង ឬចំហុយរហូតក្តៅសព្វទាំងអស់ ។
*ផលប្រយោជន៍ ៖
– ការបណ្តុះគ្រាប់ ឬកូនរុក្ខជាតិផ្សេងៗ ងាយដុះលូតលាស់បានល្អ
– កូនរុក្ខជាតិ ស្រូបយកជីជាតិបានល្អគ្រប់គ្រាន់
– អាចសម្លាប់មេរោគ ដែលបង្កជាជំងឺដល់កូនដំណាំ
– សម្លាប់គ្រាប់ស្មៅចង្រៃដែលដុះដណ្តើមយកជីជាតិពីកូនដំណាំ
– សម្លាប់ពងសត្វល្អិត និងសត្វល្អិតចង្រៃក្នុងដីដែលបំផ្លាញគ្រាប់ដំណាំ ៕