ផ្កាកុលាប គឺជាប្រភេទផ្កាមួយប្រភេទ ដែលមានភាពស្រស់ស្អាត នឹងពណ៌ជាច្រើនប្រភេទខុសៗគ្នា ផ្កានេះដែលត្រូវបានគេយកទៅប្រើប្រាស់ដ៏ពេញនិយមបំផុតនៅទូទាំងពិភពលោក។
ក្នុងការដាំផ្កាកុលាបវាមានច្រើនរបៀបខុសៗគ្នា ដូច្នេះក្នុងថ្ងៃនេះដែរយើង នឹងណែនាំពីរវិធីដាំផ្កាកុលាបឲ្យទទួលបានផលល្អ នឹងងាយស្រួល ដូចខាងក្រោម៖
*ការជ្រើសរើសពូជ៖
– ជ្រើសរើសកូនពូជដើមផ្កាកុលាបដែលត្រូវបានបង្កើតពូជតាមវិធីដាំដោយកំណាត់ដើម ឬផ្សាំភ្នែក
*របៀបដាំ៖
– វះជួរជម្រៅពី ១២ទៅ ១៥សង់ទីម៉ែត្រ ដាក់ដើមបញ្ចុះដាំទៅក្នុងជួរ
– បន្ទាប់មកលុបដីតែមិនត្រូវលុបដីឡើងកន្លែងភ្នែកផ្សាំ ដាំរួចស្រោចទឹកអោយសើមជោគ ដើម្បីរក្សាគល់អោយជាប់មាំ
*របៀបថែទាំ៖
– ត្រូវស្រោចទឹកអោយជោគក្នុងរយៈពេលមួយសប្ដាហ៍ ដើម្បីអោយដើមចេញឫស (គប្បីស្រោចទឹក នៅពេលព្រឹកព្រលឹម ឬល្ងាចត្រជាក់
– ស្រោចទឹកអោយលិចចង្អូរ៖ បូមទឹកអោយលិច ២/៣ នៃចង្អូរទុកពីរម៉ោងក្រោយទឹកនឹងហួតអស់
– ស្រោចទឹកដោយទុយោទៅលើមុខរងនៅកណ្ដាលជួរទាំងពីរ ចៀសវាងស្រោចទឹកលើតួស្លឹកបង្ក លក្ខណអោយផ្សិតជំងឺរាលដាល
– ត្រូវកាត់ចោលនូវមែកខ្សោយ មែកឥតផ្ដល់ផលកើតដង្កូវជំងឺ និងពន្លកខ្ចី អត់ប្រយោជន៍ដែលតែង ដុះនៅក្រោមភ្នែកផ្សាំអោយបានទាន់ពេល
– បន្ទាប់ពី ២ទៅ ៣ឆ្នាំត្រូវប្ដូរដើមថ្មី ជ្រើសរើសពន្លកដែលដុះត្រង់មែករបស់គល់ធំមាំហើយកាត់ ត្រួយនៅកំរិតកំពស់៥០សង់ទីម៉ែត្រចោលទុកសម្រាប់ធ្វើជាមែកជំនួសអោយផ្កា ហើយកាត់តួដើម មេដែលចាស់ពេកចោល
*ការប្រមូលផល៖
– ត្រូវប្រមូលផលផ្កាអោយចំពេលវេលា ធានាផ្កាស្រស់បានយូរ ហើយស្អាតផង
– ឆាប់ប្រមូលផល ទងនៅខ្ចី ផ្កានឹងមិនរីក ប្រមូលផលយឺតពេល ផ្កានឹងឆាប់ស្រពោន
គប្បីប្រមូលផលផ្កានៅពេលល្ងាច ចំពោះមែកមេកាត់កំពស់ពី៤៥ ទៅ៥០ សង់ទីម៉ែត្រ ដើម្បីបង្កើតតួដើមមេ មែកឯទៀតៗ កាត់ដល់គល់ទុកស្នាមកាត់ ១សង់ទីម៉ែត្រដើម្បីបង្កើតពន្លកថ្មី ៕
