របៀបព្យាបាលជ្រូកពុលចំណីនៅពេលដែលយើងបណ្ដោយជ្រូកដើរស៊ីចំណីពាសវាល ពាលកាលនោះវា នឹងបណ្ដាលឲ្យជ្រូកមានអាការៈពុលចំណី ឆ្លងមេរោគជាក់ជាមិនខាន។
ជ្រូកពុលចំណីច្រើនលេចចេញនូវរោគសញ្ញាដូចជា៖
– ខ្នងកោង
– ហៀរទឹកមាត់
– ដំណើរទ្រេតទ្រោត
– ជ្រូកញាក់
– ជ្រូកខ្សោយកម្លាំង
– មានហូរឈាមចេញតាមមាត់
+ វិធីការពារ
– កុំព្រលែងជ្រូកឲ្យដើរស៊ីតាមវាលឲ្យសោះ បន្ទាប់ពីបាញ់សម្លាប់សត្វល្អិត
– រក្សាចំណីឲ្យស្ងួត កុំឲ្យដុះផ្សិត
– កុំឲ្យសត្វស៊ីមើមដំឡូងមី ឬសំបកដំឡូងមីឆៅ ។ យកល្អ កុំព្រលែងសត្វឲ្យដើរស៊ីឆ្ងាយ គឺឲ្យនៅត្រឹមតែបរិវេណទីធ្លាជុំវិញផ្ទះ ដើម្បីចៀសវាងនូវការដើរស៊ីចំណីផ្ដេសផ្ដាស ដែលបណ្ដាលឲ្យពុល ឬឆ្លងមេរោគផ្សេងៗ ។
+ វិធីព្យាបាល
– ប្រសិនបើយើងដឹងច្បាស់ថា ជ្រូកពុលដោយស៊ីសំបកដំឡូងមី ចាំបាច់ត្រូវបញ្ច្រកប្រេង ដូងប្រហែលមួយកែវ សម្រាប់ជ្រូកជំទង់ ។ ធ្វើយ៉ាងនេះ ដើម្បីឲ្យវាក្អួតចេញមកវិញ ឬបន្ថយនូវការសំរូបជាតិពុល ។
– បើសិនជាយើងមិនដឹងច្បាស់ថា វាពុលដោយសារអ្វី យើងអាចយកពងមាន់ ឬពងទា៦ ទៅ៧គ្រាប់ លាយជាមួយស្ករ១ពែងហើយបញ្ច្រកវា។ កម្រិតនៃការប្រើនេះ សម្រាប់ជ្រូកទម្ងន់៧០គីឡូក្រាម ៕