គោបំប៉នដោយផ្ដល់ចំបើងផ្អាប់ (ផ្អកចំបើង) ជាចំណីមូលដ្ឋាន ឯស្មៅ និងចំណីផ្សំជាចំណីបន្ថែម ។ ផ្អកចំបើងមានគុណប្រយោជន៍ជាងចំបើងធម្មតាដូចជា៖ ធ្វើឲ្យចំបើងមានសភាពទន់ និងគោចូលចិត្តស៊ីជាងមុន មានសារធាតុចិញ្ចឹម (ប្រូតេអ៊ីន) ច្រើនជាងចំបើងធម្មតា ធ្វើឲ្យគោផឹក ទឹកច្រើនជាងមុន មានលាមកច្រើនជាងមុន និងធ្វើឲ្យគោធំធាត់លឿន ។
ដើម្បីធ្វើផ្អកចំបើងបានល្អ ត្រូវសាងសង់អាងសម្រាប់ផ្អាប់ផ្អកចំបើងមួយដែលខណ្ឌជាពីរផ្នែក និងគួរមានទំហំអាស្រ័យទៅនឹងចំនួនគោដែលត្រូវបំប៉នដោយផ្អែកលើ៖ ត្រូវផ្ដល់ចំបើងផ្អាប់ ២គីឡូក្រាមក្នុង១ថ្ងៃ ក្នុង១០០គីឡូក្រាមទំងន់គោមាឌអាង ១ម៉ែត្រគូប អាចដាក់ចំបើងផ្អាប់បាន ១០០គីឡូក្រាម ។
+ របៀបធ្វើផ្អកចំបើង និងផ្ដល់ឲ្យគោស៊ី
សម្ភាៈ៖ ចំបើង ជីអុយរ៉េ (ជីស) ជញ្ជីង ធុងទឹក និងទឹក។
+ វិធីធ្វើ៖
– លាយជីអ៊ុយរ៉េ ៥គីឡូក្រាមសម្រាប់ចំបើង ១០០គីឡូក្រាម និងទឹក ៥០លីត្រ
– ចំនួនជីអ៊ុយរ៉េ និងទឹកត្រូវប្រែប្រួលទៅតាមទំងន់ចំបើងដែលត្រូវផ្អាប់ ទើបស្រោចល្បាយជីអ៊ុយរ៉េម្ដង និងជាន់ឲ្យបានហាប់ណែនល្អ
– បន្តធ្វើបែបនេះរហូតដល់អស់ចំបើងត្រូវផ្អាប់
– គ្របចំបើងទើបផ្អាប់នោះឲ្យជិតក្នុងរយៈពេល២អាទិត្យសម្រាប់រដូវប្រាំង និង៣អាទិត្យសម្រាប់រដូវវស្សា
– រៀបចំបើងជាស្រទាប់កំរាស់ប្រហែល២តឹក
+ ការលាយជីអ៊ុយរ៉េសម្រាប់ស្រោចលើចំបើង
– ផ្អកចំបើងត្រូវផ្អាប់ ២១ថ្ងៃ មានពណ៌ក្រហមចាស់ មានក្លិនឈួល និងមិនមានដុះផ្សិត
– ទាញយកចំបើងផ្អាប់តាមលំដាប់ ដើម្បីកុំឲ្យចូលខ្យល់
– លាយចំបើងផ្អាប់បន្តិចម្ដងៗ ៥-៧ថ្ងៃ
– ចាប់ពីថ្ងៃទី៨ អាចឲ្យគោស៊ីចំបើងផ្អាប់ ២គីឡូក្រាម ក្នុងទំងន់គោ ១០០គីឡូក្រាម
– ដាក់ទឹកឲ្យគោផឹកជាប្រចាំ ៕
