ជាការពិតណាស់ក្នុងការបង្កបង្កើនផលដំណាំ គឺទឹកត្រូវបានគេចាត់ដើរយ៉ាងសំខាន់ក្នុងការស្រោចស្របដំណាំឲ្យដំណាំទទួលបានទិន្នផលល្អ មិនថារដូវប្រាំង ឬរដូវវស្សាសុទ្ធសឹងតែទាមទារឲ្យកសិករមានការរៀបចំបណ្ដាញទឹកឲ្យបានល្អ។ ប្រសិនបើយើងមិនមានជំនាញ ឬក៏ចំណេះដឹងក្នុងការគ្រប់គ្រងទឹកឲ្យបានល្អនោះយើង នឹងជួបបញ្ហាជាក់ជាមិនខាន។
+ការគ្រប់គ្រងទឹក ក្នុងរដូវប្រាំង ៖
– គ្របដីដើម្បីរក្សាសំណើម ជាពិសេសនៅរដូវក្តៅស្ងួត
– ប្រើជីធម្មជាតិ ដើម្បីបង្កើននូវសមត្ថភាពរក្សាសំណើមរបស់ដី
– ធ្វើជាសួនរង្វង់ ឬចង្អូរកណ្តាល ដើម្បីងាយស្រួលក្នុងការស្រោចទឹក
– ស្រោចរបៀបជាដំណក់ៗ ឬស្រោចទៅតាមស្រទាប់ដីខាងក្រោម (ឧទាហរណ៍ ការបង្កប់ក្អម ឬ ទុយោដែលមានប្រហោងតូចៗ)
– ដាំដំណាំ លៃទៅតាមបរិមាណទឹកដែលមាន
– ដាំដំណាំច្រើនជាន់ ឬដាំដំណាំកៀកៗគ្នា ដើម្បីងាយស្រោចទឹកតែមួយកន្លែង
– ប្រើប្រាស់នូវទឹកពីកាកសំណល់ផ្ទះបាយ
– ជ្រើសរើសដំណាំដែលធន់នឹងភាពរាំងស្ងួត
– យកទឹកទៅងូតក្នុងសួន តែចៀសវាងកុំឱ្យទឹកសាប៊ូហូរចូល
+ការគ្រប់គ្រងទឹក ក្នុងរដូវវស្សា ៖
– ធ្វើជាចង្អូរដើម្បីជួយរំដោះទឹកចេញ កុំឱ្យជាំទឹកខ្លាំង ឬជីកជារណ្ដៅតូចៗក្នុងសួន ហើយក្នុង រណ្តៅនេះ គេមានដាក់មែកឈើ ស្លឹកឈើ ដើម្បីឱ្យទឹកជ្រាបហូរចូលទៅក្នុងដី
– លើកជារងខ្ពស់ៗសម្រាប់ដាំដំណាំ ឬធ្វើរងរបៀបជាធ្នើរសម្រាប់ដាំដំណាំ
– ដាំតែដំណាំណាដែលអាចលូតលាស់បានល្អលើដីដែលជាំទឹក ឬដីងាយជាំទឹក
– លៃយ៉ាងណាកុំឱ្យមានទឹកដក់ជាប់យូរ និងដីស្រទាប់លើមានភាពសើមជាប់ជានិច្ចពេក ៕