រាជធានីភ្នំពេញ ៖ នៅព្រឹកថ្ងៃទី១៤ ខែតុលា ឆ្នាំ២០១៩នេះ កម្លាំងនគរបាលព្រហ្មទណ្ឌខណ្ឌទួលគោកបានបញ្ជូនខ្លួនជនជាតិចិនចំនួន៥នាក់ (ស្រីម្នាក់) ទៅតុលាការពាក់ព័ន្ធករណីចាប់ជំរិតទារប្រាក់ពីជនជាតិចិនដូចគ្នា ក្នុងក្រុងភ្នំពេញ ។
ជនសង្ស័យទាំង៥នាក់ មានឈ្មោះ Yan Hang Kai ភេទប្រុស១៩ឆ្នាំ, ឈ្មោះ Zhang Yang ភេទប្រុស, ឈ្មោះ Li Xinmao , ឈ្មោះ Wang Yan Jim និងឈ្មោះ Wang Yang អ្នកទាំង៥ស្នាក់នៅផ្ទះសំណាក់ផ្ទះមាស ផ្លូវ៣៧៤ សង្កាត់ទួលស្វាយព្រៃ២ ខណ្ឌបឹងកេងកង ។ រីឯជនរងគ្រោះឈ្មោះ Washi Long ស្នាក់នៅកន្លែងកើតហេតុ សណ្ឋាគារឡាក់គីស្តារ២ អគារលេខ៣៦ ផ្លូវ៣៣៦ក្រុម៣៤ ភូមិ៤ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
សូមជម្រាបថា សមត្ថកិច្ចខណ្ឌទួលគោក និងខណ្ឌចំការមន បានឃាត់ខ្លួនក្រុមជនសង្ស័យខាងលើ កាលពីព្រឹកថ្ងៃទី០៨ ខែតុលា ឆ្នាំ២០១៩ កន្លងទៅ នៅចំណុចសណ្ឋាគារឡាក់គីស្តារ២ ទីតាំងលេខ៣៦ ផ្លូវ៣៣៦ក្រុម៣៤ ភូមិ៤ សង្កាត់ផ្សារដើមគរ ខណ្ឌទួលគោក រាជធានីភ្នំពេញ បន្ទាប់ពីជនរងគ្រោះបានទៅប្តឹងឲ្យមន្ត្រីស្ថានទូតចិនឲ្យជួយអន្តរាគមន៍ករណីចាប់ជំរិតទារប្រាក់ ៕
