រាជធានីភ្នំពេញ ៖ ស្ត្រីម្នាក់ ដែលមានប្តីនិងកូនរួចហើយ បានឈ្លោះប្រកែកគ្នាជាមួយប្រុសស្នេហ៍ តាំងពីម៉ោងប្រហែល២ភ្លឺ ព្រឹកថ្ងៃទី២៥ កញ្ញា ២០១៩នេះ រហូតមកដល់ម៉ោង៧និង១០នាទីព្រឹកថ្ងៃខែដដែល ស្រាប់តែជនបង្កជាប្រុសស្នេហ៍ ចាប់អារ-កស្ត្រីរូបនេះបណ្តាលឲ្យស្លាប់ភ្លាមៗ នៅក្នុងបន្ទប់ជួល បន្ទាប់មកជនបង្កបានអារ-កសម្លាប់ខ្លួនឯង តាមក្រោយបានរបួសធ្ងន់ ត្រូវបានអ្នកជិតខាងបញ្ជូនទៅសង្ក្រោះនៅមន្ទីពេទ្យលោកសង្ឃ នេះបើតាមសម្តីសាក្សីនៅក្បែរកន្លែងកើតហេតុ ។
ហេតុការណ៍ជម្លោះក្នុងគ្រួសារធ្ងន់ធ្ងរនេះបានបង្កឲ្យមានការភ្ញាក់ផ្អើលនៅព្រឹកថ្ងៃទី២៥ ខែកញ្ញា ឆ្នាំ២០១៩នេះ នៅចំណុចបន្ទប់ជួលលេខ១ ស្ថិតក្នុងភូមិក្បាលដំរី១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
បើតាមប្រភពពីលោកអធិការរងនគរបាលខណ្ឌពោធិសែនជ័យ បានប្រាប់ឱ្យដឹងថា ជនរងគ្រោះមានឈ្មោះ យិត ធិញ អាយុ៤២ឆ្នាំ មុខរបរកម្មករោងចក្រ ស្រុកកំណើតភូមិថ្មី ឃុំជ្រៃធំ ស្រុករមាសហែក ខេត្តស្វាយរៀង (ស្លាប់) ជនបង្កជាប្តីឈ្មោះ យា រិត អាយុ៣០ឆ្នាំ មុខរបរមិនពិតប្រាកដ ស្រុកកំណើតភូមិរមាំងត្រេត ឃុំសំបួរ ស្រុករមាសហែក ខេត្តស្វាយរៀង រងរបួសធ្ងន់ ភ្លាមៗត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្យលោកសង្ឃ ។
ពាក់ព័ន្ធនឹងករណីនេះ សមត្ថកិច្ចបាន ប្រាប់ឱ្យដឹងជាបឋមថា ស្ត្រីរងគ្រោះ យិត ធិញ មានប្តី និងមានកូនចំនួន៣នាក់ហើយ នៅស្រុកកំណើត នៅឯខេត្តស្វាយរៀង បន្ទាប់មកស្ត្រីរងគ្រោះ បានមកធ្វើការនៅភ្នំពេញ ធ្វើជាកម្មការិនីរោងចក្រមួយកន្លែង ហើយក៏មានទំនាក់ទំនងជាមួយជនដៃដល់ឈ្មោះ យា រិត ដែលត្រូវជាប្រុសស្នេហ៍ វ័យក្មេង ។ លុះដល់ថ្ងៃកើតហេតុនៅម៉ោង២ឈានចូលព្រឹកថ្ងៃទី២៥ កញ្ញា ដោយសារជនដៃដល់ជាប្រុសស្នេហ៍រូបនេះ ខឹងសុំលុយទិញថ្នាំញៀននិងទិញស្រាផឹកមិនបាន ទើបកើតជាទំនាស់ពាក្យសម្តីឈ្លោះគ្នា រហូតឈានទៅដល់ប្រើអំពើហិង្សាចាប់ស្ត្រីរងគ្រោះអារ.ក បណ្តាលឱ្យស្លាប់ភ្លាមៗ បន្ទាប់មកជនដៃដល់ជាប្រុសស្នេហ៍ក៏បានអារ.កខ្លួនឯង បណ្តាលឱ្យរងរបួសធ្ងន់ តែម្តង ។
ចំណែកសពស្ត្រីរងគ្រោះ សមត្ថកិច្ចជំនាញ ចុះពិនិត្យជាក់ស្តែង និងធ្វើកោសល្យវិច័យរួច ទើបប្រគល់សពឲ្យសាច់ញាតិ យកទៅធ្វើបុណ្យតាមប្រពៃណី រីឯបុរសជាជនសង្ស័យ សម្រាកព្យាបាលជំងឺសិន ទើបអនុវត្តច្បាប់តាមក្រោយ ៕
សូមរម្លឹកថា សាហាវផុតលេខ!ប្រុសស្នេហ៍ចាប់អារ.កស្រីកំណាន់ស្លាប់ក្នុងបន្ទប់… រួចអារ.កខ្លួនឯងតាមក្រោយ…