រាជធានីភ្នំពេញ ៖ លទ្ធផលនៃការចរចាប្រាក់ឈ្នួលអប្បបរមារបស់កម្មករកាត់ដេរ នៅឆ្នាំ២០២០ គឺនឹងត្រូវដំឡើង ចំនួន ១៩០ដុល្លារ ។ ក្នុងនោះតួលេខព្រមព្រៀងគ្នា ចេញពីការបោះឆ្នោត មានចំនួន ១៨៧ ដុល្លារ ហើយប្រមុខរាជរដ្ឋាភិបាលផ្តល់បន្ថែម ៣ដុល្លារទៀត ។
តួលេខប្រាក់ឈ្នួលអប្បបរមា សម្រាប់កម្មករកាត់ដេរ នៅឆ្នាំ២០២០ ត្រូវបានប្រជុំសម្រេច ក្នុងយន្តការត្រីភាគី តាមរយៈក្រុមប្រឹក្សាជាតិប្រាក់ឈ្នួលអប្បរមា ដឹកនាំដោយលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី២០ ខែកញ្ញា ឆ្នាំ២០១៩។
ប្រាក់ឈ្នួលអប្បបរមារបស់កម្មករនិយោជិតក្នុងវិស័យវាយនភណ្ឌកាត់ដេរសម្លៀកបំពាក់ និងស្បែកជើង សម្រាប់ឆ្នាំ២០២០ ខាងមុខនេះ កើនដល់១៩០ដុល្លារ ពោលគឺនឹងចាប់ផ្តើមដំឡើងចាប់ពីថ្ងៃទី១ ខែមករា ឆ្នាំ២០២០ តទៅ ៕
