មាន់ទោរ ជាប្រភេទបក្សីដែលមានមាឌធំ ខុសពីមាន់ស្រុកធម្មតា សត្វមាន់ប្រភេទនេះដែរ កសិករខ្មែរយើងមិនសូវជាមានអ្នកចិញ្ចឹមប៉ុន្មាននោះទេ ហើយមាន់ទោរនេះដែលជាប្រភេទមានតម្លៃខ្ពស់នៅលើទីផ្សារទាំងក្នុង និងក្រៅប្រទេស។
កសិករមួយចំនួនតូចដែលបានដឹងពីបច្ចេកទេសក្នុងការចិញ្ចឹមវា ទោះជាយ៉ាងណាក្ដីបើចង់ចិញ្ចឹមមាន់ប្រភេទនេះអោយបានធំល្អ វាពិតជាមិនងាយស្រួលទេ អ្នកចិញ្ចឹមត្រូវយល់ដឹងឲ្យច្បាស់ពីមូលដ្ឋានគ្រឹះ ទាំងការរៀបចំទ្រុង ការជ្រើសរើសពូជ និងការថែទាំ។
១/. ការរៀបចំទ្រុង
– ត្រូវបានសង់នៅកន្លែងខ្ពស់
ស្រឡះស្រឡំធានារក្សាបានភាពកក់ក្ដៅនារដូវរងារ និងត្រជាក់នា រដូវក្ដៅ
– មាន់ទោរអាយុពី ០ ទៅ ៤
សប្ដាហ៍ចិញ្ចឹមនៅក្នុងទ្រុងគ្រលំកម្ដៅ
– ដង់ស៊ីតេចិញ្ចឹមពី ១៥ ទៅ ៤០ ក្បាលក្នុង ១
ម៉ែត្រការ៉េ
– ក្នុងរយៈពេលគ្រលំកម្ដៅ
ប្រើទ្រុងគ្រលំកម្ដៅដែលមានកំពស់ពី ៤០ ទៅ ៥០ សង់ទីម៉ែត្រ បណ្ដោយពី ១,០ ទៅ ១,២ ម៉ែត្រ ទទឹងពី ០,៧
ទៅ ០,៩ ម៉ែត្រ
– ជុំវិញត្រូវបាំងដោយក្ដារបន្ទះ
ឬបន្ទះថែបដំបូលពីលើប្រក់ដោយសំណាញ់ក្រឡាល្អិតៗ ចៀសវាងកូនមាន់ហើរចេញ
– មាន់មានអាយុពី ៥ ទៅ ១២ សប្ដាហ៍
– ដង់ស៊ីតេចិញ្ចឹមពី ៤ ទៅ ១២ ក្បាលក្នុង ១
ម៉ែត្រការ៉េ
– មាន់ទោរត្រូវបានចិញ្ចឹមព្រលែងលើកម្រាលទ្រុងចាក់បេតុង
ហើយរោយអង្កាម ឬកំទេចឈើ ពីលើកម្រាស់ពី ៥ ទៅ ៨ សង់ទីម៉ែត្រ
មានកន្លែងចាក់ខ្សាច់សម្រាប់អោយមាន់ត្រដុះខ្សាច់
– ធ្លាលេងត្រូវបានបាំងជិតដោយសំណាញ់
ដើម្បីរាំងកុំអោយមាន់ហើរចេញក្រៅ ។
– ការធ្វើទ្រុងអោយមាន់ពេញវ័យ
– ចែកទ្រុងជាច្រើនខណ្ឌផ្សេងៗគ្នា
ដើម្បីងាយស្រួលគ្រប់គ្រង និងតាមដានជំងឺតម្កាត់ រយៈកាលរីកលូតលាស់
និងធំធាត់នៃមាន់ ។
២/. ការជ្រើសរើសពូជបក្សី
–ជ្រើសរើសមាន់ណាដែលរហ័សរហួន ភ្នែកភ្លឺ រោមសំពោង ពោះសមល្មម ជើងថ្លោស ទម្ងន់ពី ២០ ដល់ ២៣ ក្រាម
៣/. ការថែទាំ
៣.១/. ចិញ្ចឹមកូនមាន់ (ដំណាក់កាលអាយុពី ១ ទៅ ៣ ខែ)
–មាន់ត្រូវបានចិញ្ចឹមនៅក្នុងទ្រុងធ្វើអំពីសំណាញ់លួសប្រហោង
–ប្រើអំពូលភ្លើងអគ្គិសនី ដើម្បីកំដៅឲ្យមាន់ដោយសីតុណ្ហភាពពី ២៥ ទៅ ២៧ អង្សាសេ
–នៅបរិវេណនៃកន្លែងចិញ្ចឹមតែងតែបានកំចាត់មេរោគតាមកាលកំណត់យ៉ាងហោចពី ១៥ ទៅ ២០ ថ្ងៃម្តង
–ចំណី គឺប្រភេទកន្ទក់គ្រាប់សម្រាប់អោយកូនមាន់ស៊ី
–ប្រើប្រភេទស្នូកចំណីស្នូកទឹកសមស្របនឹងអាយុកាលរបស់មាន់
–គប្បីដាក់បរិមាណកន្ទក់និងទឹកអោយគ្រប់ល្មមពេលមាន់ស៊ីអស់ត្រូវសំអាតស្នូកនិងដូរទឹកថ្មី។
៣.២/. ចិញ្ចឹមមាន់ពេញវ័យ
–មាន់ត្រូវបានចិញ្ចឹមនៅក្នុងទ្រុងធំ ប្រើចំណីដែលសម្រាប់អោយបក្សីស្រុកពេញវ័យបក្សីពង (កន្ទក់សម្រាប់មាន់ពង) គួបផ្សំនឹងស្រូវ
–អត្រាលាយអាស្រ័យទៅតាមរយៈកាលរីកលូតលាស់នៃមាន់
–អាចប្រើស្រូវដល់ ៦០% នៅក្នុងរបបចំណី
–ក្រៅពីនោះ ត្រូវគួបផ្សំឲ្យស៊ីបន្ថែមនូវត្រកួន ទងដំឡូងជ្វា តួដើមចេកហាន់តូចៗ។ល។
៤/. ការធ្វើអនាម័យបង្ការជំងឺ
–ឧស្សាហ៍ធ្វើអនាម័យទ្រុងចិញ្ចឹមអោយស្អាតបាត កាប់ឆ្ការគុម្ពោតឈើ កាយបង្ហូតលូ ចង្អូរជុំវិញទ្រុងចិញ្ចឹម បាញ់ថ្នាំសម្លាប់មេរោគកំចាត់ជាតិពុលតាមកាលកំណត់
–ចាក់វ៉ាក់សាំងបង្ការតាមកាលកំណត់ចំពោះជំងឺមួយចំនួនដែលច្រើនតែប្រទះដូចជា៖ Newcaste គ្រុនផ្តាសាយបក្សី ជាដើម
–កំចាត់ប្រភេទសត្វករកេរ បក្សីព្រៃនិងសត្វល្អិត ចង្រៃគ្រប់ប្រភេទតាមកាលកំណត់។
ទាំងនេះគឺគ្រាន់តែជាចំនេះដឹងតូចមួយផ្នែកតែប៉ុណ្ណោះ បើកសិករចង់ដឹងពីបច្ចេកទេសឲ្យកាន់តែច្បាស់បន្ថែម កសិករគួរតែសាកសួរជាមួយនិងអ្នកជំនាញ ខិតខិស្រាវជ្រាវឯកសារបន្ថែម បើអាចគួរតែរៀនអនុវត្តន៏កាន់តែល្អបំផុត ៕
