ដំណាំខាត់ណាផ្កា ជាដំណាំអាចដុះលូតលាស់បានពេញមួយឆ្នាំ វាត្រូវការស៊ីតុណ្ហភាពជាមធ្យមចាប់ពី 15-20 អង្សាសេ។ ខាត់ណាផ្កា ត្រូវបានកសិករភាគច្រើននិយមដាំដុះបំផុត ជាពិសេសនៅក្នុងរដូវបុណ្យទាន ជាប្រភេទបន្លែកំពុងពេញនិយមទទួលទានច្រើន ដែលផ្សំក្នុងម្ហូបអាហារ ចាំបាច់បំផុតមិនអាចខ្វះបាន។
ដើម្បីដាំខាត់ណាឲ្យទទួលបានទិន្នផលច្រើន យើងគប្បីចាំបាច់យល់ដឹងនូវបច្ចេកទេសក្នុងការដាំ រួមទាំងការ ជ្រើសរើសពូជ ដី របៀបដាំ និងថែទាំជាមុនសិនទើបយើងអាចដាំវាបានដោយជោគជ័យ។ ដូចនេះថាតើត្រូវដាំខាត់ណាបែបណាទើបទទួលបានផលច្រើនហើយល្អ? ខាងក្រោមនេះគឺជាបច្ចេកទេសមួយចំនួន ក្រុមការងាររបស់យើងសូមណែនាំនូវរបៀបដាំ ដូចខាងក្រោម៖
+ការរៀបចំដី
-ត្រូវភ្ជួរដីជម្រៅចាប់ពី15-30ស.ម.
-ហាលដីចោលចាប់ពី7-10
ថ្ងៃ ភ្ជួរអោយបាន 2-3 ដង មុនពេលដាំដុះខាត់ណាផ្ដា។
+ការលើករង
-ទទឹង100
ស.ម.និងបណ្ដោយតាមចម្ងាយរបស់ដីពិត ចន្លោះរង 30
ស.ម.
-កម្ពស់រងរដូវវស្សាត្រូវលើករងកម្ពស់20-25ស.ម. និងរដូវប្រាំងត្រូវលើករងកម្ពស់ចាប់ពី10-15ស.ម
+ ការដាំដុះ
-ចន្លោះជួរ 50 ស.ម. និង ចន្លោះគុម្ព 40 ស.ម.
-កាប់រណ្ដៅជម្រៅចាប់ពី8-10ស.ម. 2ជួរក្នុងមួយរង។
-ចំណាំៈ
-ដាក់ជីក្រោយពេលជ្រោយដីហើយ ត្រូវរោយជីតាមចន្លោះគុម្ព ហើយជ្រោយដីលប់ បន្ទាប់ពីដាក់ជី ហើយត្រូវស្រោចទឹកអោយជោកដី។
-ការប្រមូលផលធ្វើឡើងក្រោយពេលដាំដុះរយៈពេល65-75 ថ្ងៃ ទិន្នផលដែលទទួលបានគិតជាមធ្យមចាប់ពី 9-15 តោនក្នុងផ្ទៃដីមួយហិកតា ៕