ខេត្តបន្ទាយមានជ័យ ៖ ប្រជាពលរដ្ឋប្រទះឃើញគ្រាប់កាំភ្លើងជាច្រើនសន្ធឹក ដែលសល់ពីសម័យសង្គ្រាម ប្រាប់អាជ្ញាធរ និងសមត្ថកិច្ចរួចប្រគល់ឲ្យ អង្គការបោសសម្អាតមីន ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានឲ្យដឹងថា កាលពីថ្ងៃទី៨ ខែកក្កដា ប្រជាពលរដ្ឋប្រទះ ឃើញគ្រាប់កាំភ្លើងយន្តបាញ់យន្តហោះដេសេអា(DCA) និងគ្រាប់កាំភ្លើងឌូសេត ឬ១២ក្បៀស (12,7 ) ចំនួន៤១៤គ្រាប់នៅភូមិតាអុង ឃុំប៉ោយចារ ស្រុកភ្នំស្រុក ប្រគល់ឲ្យអង្គការបោសសម្អាតមីនហេឡូត្រាស់ (Halo Trust ) ។
កម្លាំងសន្ដិសុខកម្លាំងប្រឆាំងភេរវកម្មឲ្យដឹងថា នោះវាគ្រាប់អាវុធសង្គ្រាមដែលសល់ពីសង្គ្រាម ពុំមែនជាករណីពាក់ព័ន្ធវិទ្ធង្សានា ឬភេរវកម្មអ្វីឡើយ ៕
